滾得囍宮廷火鍋小炒 (已改名) 查看

最近一兩年宮廷火鍋同港式湯底大行其道，今次黎到滾得囍主要是沖住花膠雞湯底而黎。花膠雞火鍋，頂級養生滋補。花膠充滿膠原蛋白，可以補充皮膚營養。店員拎出一大塊花膠，慢慢剪，再逐塊逐塊放入煲入面。湯底呈奶黃色，煮過一輪之後，店員提示可以先飲幾啖湯再食埋花膠。花膠煮得好腍，湯底濃郁，令人一口再一口。之後再加上雞肉，雞是三黃雞，滿滿的蛋香質和雞肉。湯頭之後變得更加鮮甜醇厚，又暖胃，雞件又多肉又滑。再來說手切本地牛頸脊，這可是精選的高端部位。牛頸肉質細膩,富有口感。餃子拼盤可以滿足各種口味，有芋頭、白菜、肉類，足料又飽肚。鹹蛋黃炸魚皮和鹹蛋黃炸響鈴都好好食，淥一陣就食得，脆卜卜。蔬菜拼盤好大盤，有五六種菜。另點了竹庶芧根下火，不會太甜，清熱解油膩。整體而言，火鍋大餐內容豐富，材料新鮮優質，特別係花膠雞極養顏。