醉胡爐 (已搬遷) 新店位置

今次黎到尖沙咀呢間醉胡爐，環境裝修都好特別，睇得出花左唔少心思去佈置，天花板掛左唔少燈球，仲幾大型，所以係度食感覺都唔錯。叫左個椰子雞湯，同左個好似銅制既鍋上，所以睇落都幾特別，傳熱都比一般既鍋快，佢d雞係生上既，職員幫手煎左d雞，再落酒，之後點火令d雞有鑊氣，最後先加雞湯去煲，我都係第一次見到咁有心思既安排，仲即場倒左個椰青水，所以保證新鮮好味。佢d配料選擇都幾多，仲可以用app黎點，所以都幾方便，疫情下仲好衛生tin，因為唔洗掂d好污糟既餐牌。叫左個牛，蝴蝶腩，食落都幾特別，入口好嫩，又有牛味，價錢仲好實惠，所以都幾抵食，配埋個椰子雞湯真係好味。響鈴都幾唔錯，掛到d椰子雞湯，食落都幾脆幾新鮮。