老鍋台式火鍋 (京都廣場) (已結業)

好掛住台式火鍋嘅麻辣湯底同埋酸菜白肉鍋湯底，但係今日晏晝又唔想食火鍋咁heavy,於是同朋友試吓呢度嘅養生湯米線。麻辣養生湯米線配料揀咗雪花肥牛，台灣蛋餃，同埋魚皮餃。麻辣養生湯唔會好辣，但好有麻辣香味，好惹味，爽滑米線掛上湯汁，每口都是麻辣風味。肥牛肉質唔錯，都有牛肉味。台灣蛋餃嘅蛋皮好薄好滑，入面包住啲豬肉餡，都幾特別。魚皮餃就正常質素。酸菜養生湯米線配料揀咗鴨血，魚肚同埋魚腐。湯底幾清甜，大量嘅酸菜好爽口，酸菜令湯底更加鮮甜。魚肚好厚身又軟綿，盡吸湯汁。鴨血爽滑，帶點兒煙韌口感，很好吃。魚腐質地軟滑鮮甜。麻辣牛肚絲我地還點了一個小食share，麻辣牛肚絲，這個牛肚麻辣味十足，鍾意食辣嘅朋友一定要試呢個，牛肚爽滑，加上清新青瓜絲，食唔停口。冷泡雪梨桂花茶加$8可以配嘢飲，我哋揀咗呢一款，淡淡嘅桂花香味好清甜，加上雪梨清潤，解渴一流。