影片
更多
2014-04-29
3619 瀏覽
明天就放復活節假啦！好happy，一早已決定放假前食餐好，因第二日出發去旅行~~妹妹之前黎過呢間食，話幾正，所以我地一早book左位，book左7:45pm，4人，有豬女，肥豬同兩個瘦豬妹妹~~我同男友準時到達，book左4個人，安排坐卡位，位置都好寬敞。出面熱到熔左，入到去成個人舒服哂，打邊爐食雞煲最緊要咩？就係要冷氣夠涼，正！妹妹因收工遲左，成8:15pm先到，我地惟有先叫小食食住先，問左店員，店員話佢地既川味藕片好好食，咁就試一試啦~送到上枱已聞到好香既花椒味，上面鋪滿左好多醬及材料，夾了一片入口，原來係熱的喔 真係估佢唔到。個汁係甜甜地，藕片好爽口，配合醬汁食，好正。食左落肚口後，一陣陣麻辣感在口中散發。食完兩三片，口已覺得有點頗辣，但過了一會，該麻辣感又消失了，只剩下醬料香味在口中回味。店員果然無介紹錯！在等待妹妹期間，一碟藕片已被兩隻豬食哂啦！hahahaha…妹妹黎到又叫左一碟涼伴海蜇頭，海蜇頭每一件都切到幾大下，放在生菜上面，顏色配搭得好靓，望到都好開胃。海蜇頭夠凍，食落好爽脆，有少少辣，咸味適中，好開胃！呢度既火鍋有好多款煲可以選擇，但黎雞煲店，緊係食雞煲啦！佢既雞煲
我同男友準時到達，book左4個人，安排坐卡位，位置都好寬敞。出面熱到熔左，入到去成個人舒服哂，打邊爐食雞煲最緊要咩？就係要冷氣夠涼，正！
妹妹因收工遲左，成8:15pm先到，我地惟有先叫小食食住先，問左店員，店員話佢地既川味藕片好好食，咁就試一試啦~
送到上枱已聞到好香既花椒味，上面鋪滿左好多醬及材料，夾了一片入口，原來係熱的喔 真係估佢唔到。個汁係甜甜地，藕片好爽口，配合醬汁食，好正。食左落肚口後，一陣陣麻辣感在口中散發。食完兩三片，口已覺得有點頗辣，但過了一會，該麻辣感又消失了，只剩下醬料香味在口中回味。店員果然無介紹錯！在等待妹妹期間，一碟藕片已被兩隻豬食哂啦！hahahaha…
妹妹黎到又叫左一碟涼伴海蜇頭，海蜇頭每一件都切到幾大下，放在生菜上面，顏色配搭得好靓，望到都好開胃。海蜇頭夠凍，食落好爽脆，有少少辣，咸味適中，好開胃！
呢度既火鍋有好多款煲可以選擇，但黎雞煲店，緊係食雞煲啦！佢既雞煲有分麻辣同辣既，我地幾個都唔係咁好麻辣，所以叫左個滋味雞煲一隻，小辣。店員稱此雞煲味濃，辣中帶有甜味的，一般人較易入口。店員另外仲上左一碗辣汁，說唔夠辣可以加落去，打邊爐加上湯時亦可加入去提味。我地叫的是冰鮮雞，食落雞肉唔會"鞋"，店員稱加錢可以換成走地雞，但本身食雞煲都已好濃味，冰鮮雞和走地雞可能分別不大。
火鍋配料有勁多選擇，妹妹極力推介手切本地肥牛，我地叫了一份細的，盛惠HK$178。手切本地肥牛鋪放在碟上，排得好靓，每一塊片得大小適中，明明睇落無咩肥膏位，食落口牛味好濃郁，好香。
駝鳥肉非常有驚喜，平時去酒樓打邊爐的駝鳥肉基本上沒什麼味道，但呢度既駝鳥肉食得出肉味，我唔知點形容，有點像鴨肉味道，而且肉質唔“鞋”，非常正！
又叫一份一級雪花牛粒12粒，睇落都已經好好味，脂肪分佈好平均，而且咬下都好冧，不會“鞋”，而且牛味濃郁，非常好味。另外又叫了一份白菜仔，每一棵都好大棵，而且好新鮮。
叫了兩份雙併：
雲吞併瑤柱白菜餃：雲吞望落好大粒，但打完後皮散開哂，而且雲吞皮都幾厚。瑤柱白菜餃皮OK，好多料，但無味。
蟹子丸併芝士丸：蟹子丸，芝士丸大路貨，但屬較好的質素，芝士可拉絲，蟹子丸內蟹子都好多，不像佳寶的假丸般。金錢肚食落都有味，而且唔會韌。
黑木耳好大塊，食落好爽口。
白鱔片好像只有8片，片到好薄，但食落口好有鱔味，也不會“鞋”，肉質好彈牙。豬黃喉，本屬無味產品，也不易入味，但食落好爽脆。
比起任食打邊爐或其他出面的散叫打邊爐，呢間的食物質素頗高。食材新鮮，位置舒適，而且又無限時，朋友相聚飲野之選。
P.S. 妹妹叫左支Somersby Bottle，蘋果味啤酒，點知佢飲完有少少醉，HAHA…
張貼
