Lo Spazio (已結業)

就到月尾要食好野獎勵下自己！ 是日晚上來到位於銅鑼灣亨利中心的「Lo Spazio」品嚐豐富晚餐。 餐牌上有琳琅滿目的西班牙菜可供選擇，定價適中，無論朋友聚會或情侶用餐都很適合！Grilled Octopus西班牙菜又點少得Tapas呢～點左呢個原條燒香的八爪魚腳，口感好軟嫩，微微香辣。當中仲有黃金薯角，薯味濃郁。Sparkling Wine🍷佳餚當然要配美酒啦～點左兩杯玫瑰味嘅氣酒，酸酸地，酒味唔算好濃，同時帶有玫瑰清香，易入口，啱哂女仔飲。Happy hour買一送一！Fettuccine alla Bistecca面上有唔少煎香至半熟的牛排肉粒，肉味香濃突出。 闊麵用洋蔥及蒜蓉等等炒香，配上濃郁香草醬，好香口美味。 麵條嘅口感都幾彈牙，掛汁效果佳。Roasted Chicken🐔鋪排賣相有心思，原隻燒春雞色澤均勻，雞皮燒到微微香脆，內裡肉質香軟又juicy，雞肉都幾入味。伴碟仲有色彩豐富嘅雜錦蔬菜，夠晒健康。Cream Brulee最後甜品點左：焦糖伯爵茶燉蛋面上嘅焦糖甜甜脆脆，底下係伯爵茶味嘅燉蛋，好嫩滑，有蛋香又有伯爵茶香，甜度適中。配上酸甜清新的雜莓，大滿足呀！