484
21
10
港鐵銅鑼灣站 F1 出口 繼續閱讀
電話號碼
27789877
開飯介紹
具有異國風情的意大利菜館,環境舒適,食物的性價比高,適合情侶約會。 繼續閱讀
營業時間
今日營業
12:00 - 10:30
星期一至日
12:00 - 10:30
付款方式
Visa Master AlipayHK 支付寶 現金 AE 銀聯
座位數目
48
其他資料
網上訂座
切餅費 詳細介紹
賞訂座積分
加一服務費
當面支付
有關獎賞計劃
食評 (545)
等級4 2021-05-08
1164 瀏覽
在開飯尋找了一輪找到這間義大利餐廳,便斗胆訂位試吓,致電訂完隨即收到確認短訊,似乎有不錯的系統!剛好七点正去到入座,地方不是很大但又因為疫情的規管下,枱的分隔頗為鬆動…… 店員便領我入坐至店內最左邊的二人枱,和其開放式廚房非常接近,強烈的白光管由廚房裡"橙"出來到我枱上,認真大刹風景,而那些枱與枱之間的分隔板更是白雪雪咁,跟廚房燈互相照應着……朋友來到我即時建議換過另一張冇分隔板且距離廚房遠些少的枱…… 坐好看看餐牌有什麼,其實之前已在開飯做了功課,定了要叫烤牛舌,白酒煮蜆,醬燒豬肋骨…等。先來白酒煮蜆,看賣相並沒有什麼特别,連面頭應有的芫茜也欠奉,也許大廚今天是休假吧,煮仔入口還好,沒有韌的口感… 而烤牛舌一份有兩串每串三粒,牛舌也頗為大粒,上面吱滿了茄汁及芥末,入口腍身,但缺乏油香… 主菜豬肋骨就有点失敗,刀切下去時我已感到肉好實,肉煮得不夠腍,只有醬汁搭夠味道……食完主菜就叫甜品,這裡主打提拉米蘇及朱古力班尼新地,提拉米蘇賣相酷似425的,但入口就完全唔掂,輕飄飄的,芝士及酒味嚴重不足!都係成本問題啦!反而那個朱古力班尼還比較好些,不太甜且有皮脆口感……整體上,出品,環境,服務都好一般,不會返食! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-28
1185 瀏覽
上星期發現了銅鑼灣有間正宗的意大利餐廳呢~位於恩平道Henry's House裡面,講時講,我都第一次入去Henry's House發現成座大廈都係餐廳!! 入到餐廳,店員都係外國人,要講英文哦~我地點左:..🥗烤牛柳沙律 Insalata Di ManzoMixed greens, cherry tomato, parmesan cheese & grilled steak with balsamic glaze前菜叫左個沙律食,都幾大碗下,好足料!! 烤牛柳擺得靚靚咁在面上,下面鋪滿沙律菜同車厘茄,上面灑滿芝士碎😍 烤牛柳肉味濃郁,唔駛點醬都好食! 撈埋沙律菜一齊食,好fresh好好味!..🍖香烤慢煮豬肋骨 Costolette Di MaialeSlow roasted US baby back ribs smothered in spicy citrus bbq sauce勁大份量既豬肋骨🤩 有6邊骨,用刀叉切開時已經睇到肉質烤得好軟腍好滑,食落去真係好juicy好香好嫩,係好味既! 醬汁配搭得剛剛好! 旁邊伴有香烤蔬菜,有翠玉瓜、青椒、南瓜等,烤得剛剛好又唔會燶唔會乾👍🏻..🍝肉丸意大利麵 Spaghetti E PolpettaSpaghetti in marinara sauce, house meatballs & parmesan cheese咪睇肉丸意粉好普通咁,一食落去就知道係比較正宗意大利既風味,正宗的意式風味意粉講求「Al dente」,意思即係彈牙,你會食到意粉唔係吸收醬汁果種好軟身既感覺,而係有用橄欖油炒過,口感爽滑,軟硬適中! 而肉丸配上蕃茄醬好好味,好有口感,肉味濃,一碟意粉有4大粒肉丸,很不錯!..🍰布朗尼新地Brownie SundaeWarm chocolate brownie topped with vanilla ice-cream作為朱古力迷既我,好鍾意呢道甜品😍 Brownie有極濃郁既朱古力味而又不會太甜,配上香滑既雲呢拿雪糕同士多啤梨醬真係好夾!..🥤Cookies & Cream Shake & 特飲曲奇奶昔唔會好甜,有好香曲奇味而且好creamy好滑,很不錯😋 另一杯特飲係有cranberry, pineapple, lemon & rose syrup,好fresh好解渴既飲品呢~ ..想食意大利菜,可以來呢度試試,價錢適中,氣氛幾好 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-27
740 瀏覽
今晚繼續去銅鑼灣食飯,揀咗一間網上都幾多正評嘅意大利餐廳🍴。凱撒沙律蔬菜好新鮮,每一啖咬落去都好爽脆,沙律內有沙甸魚、麵包糠和煙肉,大大提升了沙律的口感和味道。阿蘭奇尼呢個炸波波Arancini超級推介比大家!它有香脆的外皮,入面包着意大利飯,口感軟身,並有Parma ham提味,整體味道一流!👍🏻煙鴨胸肉意大利飯意大利飯口感creamy,有淡淡的忌廉味,味道唔會好重,夾雜着少許蘑菇。煙鴨胸肉味道適宜,和意大利飯能互補味道。BBQ Pork ribs 香烤慢煮豬肋骨😍這個ribs 性價比頗高的!份量好多,兩個人食唔晒🤣。個BBQ醬味道好香濃,肉質軟嫩入味,容易咀嚼,整體不錯。飲品方面,由於我比較喜歡飲奶味的飲品,所以點了一杯Cookie and cream milkshake ,口感好香滑,味道唔會太甜。朋友則揀咗一杯Tearific,佢形容有啲似蘋果汁嘅味道,所以佢覺得好好味😋! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-13
1262 瀏覽
餐廳位於利園附近,位置便利。晚上播放著輕快的音樂,讓人吃飯也開懷一點。.香烤凱撒沙律Grilled Caesar | $98菜葉切得較大片,生菜生鮮,有煙肉粒、芝士碎及炸麵包糠粒,芝士碎半溶。先吃碟沙律🥗為整個晚飯打開序幕。阿蘭奇尼Arancini | $58挺特別的小食,一份有三粒炸波。原來起源於西西里島,把risotto與火腿撈在一起,沾上蛋漿麵包糠炸成。外面炸得夠脆,內裡的飯煙韌軟熟,沒有一點油膩感,點一些辣醬汁,更添味道。肉丸意大利麵 Sphagetti E Polpetta | $188有大約六粒肉丸,肉丸幾大粒,中間混滿了香草的味道,整個口腔充斥着香草的味道。意粉幼身十分煙韌,掛滿了蕃茄汁及香草味,蕃茄味道夠酸,而且份量十足。火腿意大利餃Tortellini Al Prosciutto Di Parma | $108有很多隻意大利小雲吞,細細隻好可愛,內饀是火腿,配料有雜菌及蕃茄仔,蕃茄仔酸甜可解膩,黑松露醬汁夠稠味道較鹹。Chocolate Shakes, Cookies & Cream shakes | $58兩杯奶昔都很大杯,味道相近,但朱古力比曲奇奶昔甜少少,奶味不太重,有少許冰沙,飲到最後依然味道濃郁。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-09
952 瀏覽
銅鑼灣真的很多選擇,我們選了新的亨利中心做落腳決定食個簡單午餐吧!午餐有6款$88 服務員都是外國人,感覺很高級是日餐湯:南瓜忌廉湯南瓜蓉打成忌廉湯,有蕃茄和甘荀味道入口滑溜餐前沙律有小蕃茄,芝士碎,麵包粒,火煎菜,羅馬生菜,羅沙紅生菜……一個字爽口意大利黑醋,橄欖油選了比較少見一款意大利菜芝士焗雞胸(Chicken parmigiana)面層覆盖的番茄酱,和馬蘇里拉芝士好像有肉碎有點意大利肉醬味道,味道特別豐富。雞皮下的雞肉嫩嫩的,切開也白雪雪有肉汁時間控制很出色!喜歡肉的朋友放心選擇份量感覺少了點,配的是伴菜另外(Catch of the Day )烤魚朳也很驚喜,意思24小時處理的魚皮見到有小卜卜有點像炸魚皮顏色眼看面很乾脆,皮脆肉嫩!下刀時發現魚肉是軟軟的,入口魚肉很嫩滑,又沒腥味。咸咸地味道,食物沒有很濃調味料,吃到魚肉鮮味! 餐飲我們當然選意大利泡沫咖啡(Cappuccino)泡泡很豐富,咖啡味道很濃,我喜歡甜,所以加糖餐廳用黃方糖,全個午餐感覺都不錯,cp值高會再來。 繼續閱讀
(以上食評乃用戶個人意見 , 並不代表OpenRice之觀點。)