308
8
6
港鐵銅鑼灣站 F1 出口 繼續閱讀
電話號碼
27789877
開飯介紹
具有異國風情的意大利菜館,環境舒適,食物的性價比高,適合情侶約會。 繼續閱讀
營業時間
今日營業
12:00 - 15:30
18:00 - 22:00
星期一至日
12:00 - 15:30
18:00 - 22:00
付款方式
Visa Master AlipayHK 支付寶 現金 AE 銀聯
座位數目
48
其他資料
網上訂座
切餅費 詳細介紹
賞訂座積分
加一服務費
當面支付
有關獎賞計劃
食評 (343)
等級4 2019-03-23
9 瀏覽
今晚食意大利菜,Lo Spazio位於銅鑼灣地帶, 放工坐地鐵來晚飯極之方便快捷。一間精緻的小型的意大利菜館, 裝潢簡單舒適。DRINK MENU百分之99 都係酒類飲品, 令我今晚酒興大發。ZENSA FIANO ($135)冰涼可口,酒質感fruity 與dry之間,入口油滑,帶微微的果香, 清爽爽口。Grilled Octopus ($108)好大條的魷魚鬚噢,咁厚肉幸好肉質完全唔韌,還頗軟爽,至於個汁.... 似帶微鹹微辣的潮州辣椒油味道, 辣辣地幾開胃。Truffle Porcini Mezzelune ($138)很喜歡佢個番茄醬汁, 用新鮮番茄做主打,再配上黑松露、蒜粒、菌片、香草及調味料煮成, 有啖啖的番茄肉粒、菌片的爽口, 又有清幽的黑松露香,跟雲吞一同放入口,番茄醬既酸優與雲吞餡肉香很配搭合雲吞皮薄身, 雲吞餡的肉碎肉汁很豐富。Grilled Pork Belly ($278)Grilled香了的半肥瘦豬腩肉淋上香辣醬汁配食,腩肉薄身, 外形的極似牛扒兩塊。半肥瘦豬腩肉燒得香口及腍滑,香辣醬我食到有辣椒仔、喼汁、茄汁及香料等, 大家大概feel 到咩味道? 辣辣地、酸酸地、甜甜地、鹹鹹地、香香地………. 味道非常豐富。MOLTEN CHEESE CAKE ($78)外型似M記蘋果批, CHEESE CAKE外層脆香。內層係焦粒及朱古力打成的CHEESE CREAM, 香甜滑口, 個人略嫌甜了些少。 呢間意大利餐廳外籍服務員好有禮貌, 碟頭份量又大, 主菜及小食等最好都係開心share, 咁就可以一次過試幾款食物, 唔使自己食自己嗰碟咁單調, 同埋呢間意大利餐廳嘅調味同一般坊間嘅意大利餐廳都有啲唔同, 味道幾特別, 由於本人去意大利已經係N年前嘅事, 我又唔敢肯定呢啲咪正宗意大利味道, 但某些味都有啲似曾相識感覺‚ 連飲酒叫左8樣野, 埋單$980 可以接受, 唔飲酒會覺得抵食。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-03-08
497 瀏覽
上年女友帶我黎慶祝生日,發覺呢度食物同環境都相當唔錯,今日咁岩想食西餐,就決定再光顧。Lo Spazio位於恩平道亨利中心,由地鐵站行過去只需要幾分鐘,相當就腳。食物黎之前,我地先點兩杯飲品。Lo Spazio Martini :由Vodka, Creme de Cassis及Lychee Liqueur調製而成,入口濃烈酒味中帶有荔枝甜香味,唔會令人覺得酒味過濃而難入口。Tearific :帶清新蘋果味,配上茶香,味道唔會太甜,感覺好舒服。烤有機雞胸沙律 :沙律菜好新鮮,雞胸微烤過後仍保持鮮嫩,配上黑醋食令人非常開胃。脆炸大蘑菇配蒜香蛋黃醬 :上檯時賣相吸引,炸蘑菇外層粉醬夠薄,內裡蘑菇仍鮮甜多汁,沾上甜甜嘅蒜香蛋黃醬,份外惹味。慢煮豬肋骨配自家製燒烤醬 :豬肋骨可以選擇半份或一份,由於我地得兩個人,所以只係揀咗半份。豬肋骨經慢煮後肉質鬆軟,用刀輕輕一切已經可以切開,調味嘅燒烤醬甜中帶微辣,令人非常開胃。伴碟有微烤過嘅青瓜及橙,可以幫助消除油膩感。墨汁海鮮意大利飯 :意大利飯口感較軟,吸收晒香濃嘅墨魚汁,入口鮮甜。海解有蝦、青口、蜆及帶子,非常豐富。一個完美嘅晚餐又點可以缺少甜品?我地揀咗窩夫配朱古力雪糕。窩夫烤得香脆,配上冰凍嘅雪糕及朱古力醬,感覺好滿足。呢度環境舒適寧靜,真係適合情侶拍拖或三五知己聚舊嘅好地方。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-02-01
1696 瀏覽
自從轉工後銅鑼灣就經常成為同男朋友既晚餐地點。係希慎提早辦完年貨後就去到位於恩平道亨利中心7樓ge Lo Spazio。Lo Spazio係一間意大利餐廳,一入門口可以見到裝潢及環境充滿情調。唯一留意係店員會以英語對答。Red Sangria 既然食意菜當然要點杯酒,但我同男友都不是對酒有豐富認同就點咗平時飲開既Red Sangria。Sangria上層係紅酒,而下層就係果汁,面上又加放有檸檬。2層交錯賣相唔錯,不過飲前必須攪拌好先可以飲出水果酒精髓,當然攪拌前就緊係相機食先啦。平時飲開既Sangria都會有濃濃果味蓋過酒味,呢杯反而相反,紅酒味最為突出。Fired Ravioli前菜小食叫左炸意大利餃,配上肉醬一齊食,香脆!Chicken salad – 雞肉沙律呢碟沙律上碟時都比佢份量嚇親,雞肉份量幾多。Truffle Porcini Mezzelune – 黑松露牛肝菌意大利餃黑松露牛肝菌好香而且份量好多,有別於華人所整嘅餃及雲吞,配料及調味料都比較多,豐富口感。Grilled Pork Belly — 烤豬腩點菜期間發覺唔少客人都有點呢款,所以我地都跟著叫左一碟。烤豬腩肉肥瘦肉平均,用左燒烤醬作配料好惹味。Waffle到最後就叫左個朱古力Waffle作為結尾,朱古力雪榚加上朱古力醬窩夫,超級邪惡呀!!~ 繼續閱讀
(以上食評乃用戶個人意見 , 並不代表OpenRice之觀點。)
等級4 2019-01-29
1335 瀏覽
呢間Lo Spazio 已經係第二次泥食喇!貪佢地方夠晒方便,而且環境好舒服,食物質素又唔錯....餐牌嘅選擇有好多....頭盤、沙律、意粉、海鮮、Burger、甜品等等~仲有set menu, 選擇困難症嘅朋友仔都唔使驚!https://m.facebook.com/miyakoholic/食飯先前先泥兩杯餐前酒。Airen 極易入口,甜度適中....帶有陣陣果香又唔會過酸或者澀~超開胃!1/2 Mussels 青口肉嫰, 鮮甜多汁⋯⋯無渣, 醬汁仲提升左青口本身既鮮甜味,LIKE!!Saltati Gamberi蝦肉爽實彈牙....醬汁帶微辣~脆多士點埋醬汁一齊食!吸盡鮮蝦精華,真係Perfect Match呀*Amerita Burger有漢堡扒,焦糖洋蔥同芝士...漢堡扒好厚身,好重牛味~配埋自家製既醬汁超惹味呀~Tiramisu口感超軟滑,每一啖都食到芝士同忌廉既香味,仲帶有陣陣咖啡酒香添...!幫襯過兩次,我最鍾意就係呢個Carbonara~上次食完,今次都要再嗌呀....蛋汁香濃Creamy唔會太Rich.....帶奶香!煙肉夠咸香,但又無搶去左芝士同蛋香,真係好好食,係必點推介呀! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-12-31
4066 瀏覽
今晚去了義大利餐廳吃飯,微醺的燈光,餐廳播放著輕快的音樂。一邊是水吧,陳列著林林種種的酒,另一邊是出餐位,入夜顧客愈來愈多,氣氛熱鬧。⭐️Still water$48⭐️Cookies and cream$58加入朱古力曲奇餅碎和牛奶,入口有朱古力曲奇碎的滋味,融合奶香,口感豐盈。⭐️grilled Octopus$108魷魚鬚肉質厚實彈牙,配上薯塊,口感鹹香滋味。⭐️Arancini$58炸薯球粒粒渾圓,炸得金黃,內餡有洋蔥和薯仔,外脆內熱,配上頂層的芝士醬,味道不俗。⭐️Seafood risotto$198以黑墨魚汁製成的海鮮燴飯,米飯粒粒分明,軟硬適中,入口香醇濃重,唯味道偏鹹了一點,配搭魷魚、青口、帶子、蜆肉吃正好。⭐️Roast chicken$178燒雞配上非洲小米,不得不讚,這隻烤雞火候控制得不錯,切下去雞肉柔軟,骨肉輕易分開,送入口,肉質嫩而濕潤,配上小米吃健康清新。⭐️tireamisu$68看著蛋糕上的可可粉,已經令我狂吞口水了!蛋糕吸滿了咖啡,再鋪滿軟芝士忌廉,嚐一口,咖啡香氣在口腔散發,軟芝士香滑無比,令我忍不住一直吃,真的很棒喔! 繼續閱讀
(以上食評乃用戶個人意見 , 並不代表OpenRice之觀點。)