影片
更多
2021-05-04
109 瀏覽
為朋友慶祝生日，特意同佢試一試呢間高質餐廳，果然有驚喜，我地兩位都好滿意！首先，餐廳環境十分舒適，裝修有格調，可以選擇戶外或室內進餐，各有不同風味。而且餐廳空間感非常足夠，可以保持足夠社交距離， 食得安心又舒適。新鮮生蠔 $62餐廳每日供應既生蠔種類都唔同，今日係「Tatihou」，店員話質感會偏爽身啲，果然名符其實。而且呢款生蠔味道亦十分鮮甜美味，好滿足～餐包配黑醋汁餐包亦水準不錯，食既時候，仍感受到微微溫度，口感外脆內軟。龍蝦牛油果他他 $338呢個前菜係我地兩個今晚最鐘意既一款。上層主要係creamy牛油果，而下層就係滿滿既龍蝦肉，龍蝦肉味道鮮甜，份量亦極多，我地啖啖都食到勁多龍蝦肉，好正。配上碟上既熱情果汁同埋蔥，酸酸地，味道十分驚喜，好開胃，係一個意想不到既組合。阿拉斯加蟹肉海膽扁意粉 $328呢個主菜同樣出色，有齊我地最愛既蟹肉同海膽，份量仲要唔少添！蟹肉同海膽十分鮮甜，配上質感剛剛好既creamy 扁意粉，好夾！檸檬意大利雪糕及蘋果水晶批 $138當然唔少得飯後甜品，蘋果水晶批味道偏甜，啖啖都可以食到蘋果肉，而且水晶糕質感剛好，唔會太硬，配上酸酸地既檸檬意大利雪糕，中和味
為朋友慶祝生日，特意同佢試一試呢間高質餐廳，果然有驚喜，我地兩位都好滿意！
首先，餐廳環境十分舒適，裝修有格調，可以選擇戶外或室內進餐，各有不同風味。而且餐廳空間感非常足夠，可以保持足夠社交距離， 食得安心又舒適。
新鮮生蠔 $62
餐廳每日供應既生蠔種類都唔同，今日係「Tatihou」，店員話質感會偏爽身啲，果然名符其實。而且呢款生蠔味道亦十分鮮甜美味，好滿足～
餐包配黑醋汁
餐包亦水準不錯，食既時候，仍感受到微微溫度，口感外脆內軟。
龍蝦牛油果他他 $338
呢個前菜係我地兩個今晚最鐘意既一款。上層主要係creamy牛油果，而下層就係滿滿既龍蝦肉，龍蝦肉味道鮮甜，份量亦極多，我地啖啖都食到勁多龍蝦肉，好正。配上碟上既熱情果汁同埋蔥，酸酸地，味道十分驚喜，好開胃，係一個意想不到既組合。
阿拉斯加蟹肉海膽扁意粉 $328
呢個主菜同樣出色，有齊我地最愛既蟹肉同海膽，份量仲要唔少添！蟹肉同海膽十分鮮甜，配上質感剛剛好既creamy 扁意粉，好夾！
檸檬意大利雪糕及蘋果水晶批 $138
當然唔少得飯後甜品，蘋果水晶批味道偏甜，啖啖都可以食到蘋果肉，而且水晶糕質感剛好，唔會太硬，配上酸酸地既檸檬意大利雪糕，中和味道，兩者好夾。
Narcissus
黎呢間餐廳最重要都係點飲品，真係好夢幻，好適合打卡架！店員會係我地面前親自整個氣泡出黎，記得要把握時機影相打卡！我地分別叫咗一杯Cocktail一杯mocktail，我呢杯粉紅色既mocktail 味道唔錯，好香玫瑰同荔枝味！
整體黎講，呢間餐廳雖然價錢中上，但性價比高！環境舒適，有格調，食物又有特色，味道不俗，真係值得一試！
張貼
