日本野 (已結業)

日本食物我諗真係冇香港人會唔鍾意食的，疫情下大家都冇得返鄉下可以點！我就會選擇去日本野到食返夠本。今次同專登等謙謙派左成績後來，因為我同佢講過只要媽咪見你係溫書過程中真係有出力我就會獎你食日本野。話哂今次係獎謙謙的，緊係佢自己發辦食咩啦！佢就一口氣叫左以下的美食：⚛ 精選角切魚生丼（餐包沙律汽水）～ 有幾好幾款的刺身切粒仲要另加芝麻，所以飯拌勻來食入口幾香口，每一口飯都粘住許多刺身粒。⚛ 套餐可以追加刺身拼盤 ～ 4款分別係三文魚，八爪魚，甜蝦，北寄貝 ， 八爪魚北寄貝爽口彈牙唔錯。⚛ 蔥吞拿魚碎三文魚籽丼 ～ 來到嘩一聲啦！超多三文魚籽， 唔洗本咁 🤣 ，每一口飯都係三文魚籽，在口腔內爆破的感覺超爽，蔥吞拿魚的魚脂濃香超有滿足感。⚛ 火炙玻璃蝦壽司 ～ 輕輕燒過d 醬，令玻璃蝦更加滋味。⚛ 蟹棒壽司 ～ 係謙謙最喜歡那種蟹棒咬落質感唔錯。⚛ 火炙三文魚壽司 ～ 食落三文魚帶一點油香味。⚛ 腐皮壽司 ～ 甜甜的腐皮小朋友最愛。