八幡屋日本料理 (已結業)

生日食放題係最佳慶祝活動！所以一於同壽星仔嚟到試下旺角呢間八幡屋啦！一嚟到門口已經排滿人，建議必定要訂定位呀！食咗兩個幾鐘都冇人趕，食飽仲可以慢慢同FD吹下水傾計，環境都幾好！今次又食到捧住個肚，好盡興！就等我推介一下幾款必食菜式啦！第1： 火灸柚子和牛壽司 (原來淨係旺角兆萬先有$50升級體驗！）火灸和牛肉質幼嫩，口感溶化，脂肪比例剛剛好，火灸燒過之後，肉汁非常之香口，柚子味我就食唔到啦，朋友「牛魔王」食完一碟又要encall又encall啦！第2： 刺身拼盤 甜蝦大大隻，好鮮甜又肥美，食甜蝦緊係要有蝦頭，夠多膏先係重點！三文魚刺身同虎蝦刺身都大件又新鮮！三文魚油分比例剛剛好！一共叫咗兩輪添！第3：炭燒羊架！小試牛刀，點咗個羊架，估唔到幾好食，一嚟到已經好香羊味，但食落一啲都唔蘇，好juice，有少少肥肉，個比例剛剛好！我都食咗兩大塊，推介！推介！至於汁燒豚小排，味道一般，肉質比較粗嚡。第4：芝士焗蠔D蠔幾新鮮，因為feel到有少少海水味，配上芝士唔太多，所以食咗又唔會「漏」，味道幾好！第5：鹽燒雞翼雞翼個皮好香脆，好入味，味道一讚！食咗好多隻  至於炸物，唔夠熱同脆，可能放得耐左