影片
更多
2018-09-03
59 瀏覽
沙田新城市真心熱鬧，以前人人追捧的熱門食店，大多數於IFC、希慎、朗豪坊或海港城開，都是港九地區。而新城市真是為新界增一口氣，而家新店開張，它們會選沙田為首址，令這裡食店更多姿多彩！然而全城繼「韓」風之後，正捲起強烈「台」風！除了珍奶之外，正宗台式小吃飯菜都是大熱之選。幾年前你想食台菜，都係得「__木」咋，今非昔比，新台店—三星台菜亦進駐沙田。新xx就梗係吸引我去食啦！話說特登星期四晚約朋友飯聚，仲以為星期四平日會易入D，結果門庭若市，勁多人排，睇黎有D質素，係等既途中，睇定餐牌，諗定食乜。餐牌中有包、麵、飯及小吃，選擇種類都幾多，樣樣都有，而甜品有甜湯及刨冰，更有大熱芋圓，非常吸引。睇下睇下就大約半小時就入座，係時候開餐！先來朋友的那碗牛肉麵（$75），湯色濃濃，紅燒牛肉湯底的慣常色，朋友點了幼麵，咬感像上海麵，偏軟一點，而湯味比想像中淡口，偏甜易入口，不像味精湯黎鹹到舌頭發麻。到我的那碗是三星花雕麵（$98），三星即是牛筋、牛𦟌及牛肚，而它重點就是在濃湯中加入花雕，老老實實食左先講！食之前要飲湯，本人大愛有酒香的菜式，那湯我喜愛得不得了，它沒普通牛肉麵咁甜，卻有濃郁酒香味！但唔會苦
話說特登星期四晚約朋友飯聚，仲以為星期四平日會易入D，結果門庭若市，勁多人排，睇黎有D質素，係等既途中，睇定餐牌，諗定食乜。餐牌中有包、麵、飯及小吃，選擇種類都幾多，樣樣都有，而甜品有甜湯及刨冰，更有大熱芋圓，非常吸引。睇下睇下就大約半小時就入座，係時候開餐！
先來朋友的那碗牛肉麵（$75），湯色濃濃，紅燒牛肉湯底的慣常色，朋友點了幼麵，咬感像上海麵，偏軟一點，而湯味比想像中淡口，偏甜易入口，不像味精湯黎鹹到舌頭發麻。
到我的那碗是三星花雕麵（$98），三星即是牛筋、牛𦟌及牛肚，而它重點就是在濃湯中加入花雕，老老實實食左先講！
食之前要飲湯，本人大愛有酒香的菜式，那湯我喜愛得不得了，它沒普通牛肉麵咁甜，卻有濃郁酒香味！但唔會苦，超好送麵佐吃。
到重點，食麵食餸的時間又到了！麵條比幼麵煙韌但又冇烏冬Q彈，一口湯一口麵，好味到牛筋（我的最愛），炆到好透好淋，加上又入哂湯汁既味，好正牛𦟌肉質唔會好實，但又不失肉感唔會散哂同牛筋牛肚一樣入味
姐食湯麵，如有溏心蛋（$15），必叫這裡的溏心蛋不比日式拉麵店差，溏心，蛋白有味，蛋香濃郁，要讚！
朋友再另叫了一碗阿嬤陌肉飯（$52），比正統的大碗很多（平時三啖食得哂架嘛），除此之外，佢較濕，同多左半隻溏心蛋（平時應該係滷蛋），味道唔錯，但如更入味會較好！
來多碟大腸就是狂（炸大腸$58），比港式軟身同時少油一點，瘦多一點，加上蒜頭，輕宜版的惹味
晚餐最後當然要有甜品「送終」叫了一個四餸刨冰（$48），當然叫了大熱芋圓同地瓜圓，另叫了乳酪丸子（港式爆珠珠）及蘆薈，芋圓及地瓜圓便正常貨色，可以再QQ點，餡料再粉一點，乳酪丸子超多汁超重味，蘆薈就甜了點，但勝在份量十足！
如果想叫其他款式配料都應有盡有，真心同朋友飯聚加上想食台野，除左__木，佢都是不錯的選擇🤤
張貼
