影片
更多
2018-08-30
2299 瀏覽
等了又等，終於嚟到嘅一日。我哋大概一個月之前定位，終於都有機會試吓呢一間鮨中本。其實我公司有三個 teams 都去過呢間開咗冇耐嘅壽司小店食 team lunch，其他team試過都話好食。之前打嚟定位嗰陣時，餐廳話lunch 只會做一輪，而餐廳內都唔係好多位，所以都好難定位。店舖外邊嘅設計嘅非常之和式，感覺好似同條街其他個鋪頭格格不入，但係喺另一方面睇就可以話佢好突出。由於門口放咗餐牌，所以我哋發現原來之前嗰個四百幾蚊嘅餐依家冇咗，現在食晏五百幾蚊起錶。由於我哋 team lunch 係有 budget，所以唯有我自己津貼 out budget 嗰部份。店內嘅裝修係以木為主，除咗一般枱面係用木來做之外，牆身丶甚至天花板，都係用木造。另外唔可以唔睇嘅就係，佢有塊好靚嘅concept wall，係用咗啲木切左一啲花紋出嚟，感覺有啲似雷電，或者係飄葉。呢一間壽司店係食鋪江戶前壽司即係手握壽司。呢度飯嘅溫度比較熱，魚生亦都係室溫，唔會凍冰冰。點解會知道，其實係因為個侍應好用心解釋俾我哋聽。無論係壽司嘅做法，唔同嘅魚，點解啲魚生要落唔同嘅配料，佢都一一解釋得好清楚。侍應對日本菜的認識非常之深，
店舖外邊嘅設計嘅非常之和式，感覺好似同條街其他個鋪頭格格不入，但係喺另一方面睇就可以話佢好突出。
由於門口放咗餐牌，所以我哋發現原來之前嗰個四百幾蚊嘅餐依家冇咗，現在食晏五百幾蚊起錶。由於我哋 team lunch 係有 budget，所以唯有我自己津貼 out budget 嗰部份。
店內嘅裝修係以木為主，除咗一般枱面係用木來做之外，牆身丶甚至天花板，都係用木造。另外唔可以唔睇嘅就係，佢有塊好靚嘅concept wall，係用咗啲木切左一啲花紋出嚟，感覺有啲似雷電，或者係飄葉。
呢一間壽司店係食鋪江戶前壽司即係手握壽司。呢度飯嘅溫度比較熱，魚生亦都係室溫，唔會凍冰冰。點解會知道，其實係因為個侍應好用心解釋俾我哋聽。無論係壽司嘅做法，唔同嘅魚，點解啲魚生要落唔同嘅配料，佢都一一解釋得好清楚。侍應對日本菜的認識非常之深，問一啲壽司魚生以外嘅嘢都難唔到佢。佢亦都非常有禮貌。
鰤魚（油金魚）係我其中一種最鍾意食嘅魚生，所以當然覺得好食。鈴木魚加咗青檸，酸酸地幾醒胃。鰹魚加咗薑蔥喺上邊，啲薑蔥石磨都好幼。金木叼燒左個皮，食到有少少好似煙燻咗既味，幾香。赤身醬油魚，即係用咗啲豉油去醃制過嘅吞拿魚，我鍾意。
我不嬲都唔係大拖羅嘅fans，但係中拖羅又唔同，因為通常都冇乜根，呢度嘅中拖羅都唔例外，所以幾好食。我有一個同事一餐裏邊講咗好多次：「呢一舊入口即溶化。」食中拖羅嗰陣時，就係佢第一次講呢句話。講開呢位同事，佢月尾就會離開我哋公司，喺度老土啲講句，祝佢前程錦繡。
言歸正傳，講返壽司，又後有鯖魚，上鯖魚之前師傅俾咗兩舊白蘿蔔我哋食。原來舊蘿蔔唔係同壽司一齊食。之後就有其中一種我估唔到自己會咁鍾意嘅秋刀魚壽司。魚生上邊加咗秋刀魚乾，加上用火燒過個面，好林，入口即溶，好好味。係呢個時候，我個同事第二次講：「入口即溶啊！」
縞海老，好好味，蝦味好濃加上好鮮甜。
石垣貝好甜。咬咗幾下就溶化，唔會好似北寄貝咁韌。質感好特別，好食。海膽壽司，就唔使多講，海膽完全冇臭味，好甜好新鮮。之後有雞蛋壽司，啲蛋落咗啲蝦蓉去焗（係你冇聽錯，係用焗爐焗），好特別，有啲似芝士蛋糕嘅芝士。最後有鰻魚，唔會太咸，又係喺口裏面溶化。食完左石垣貝同鰻魚我嗰個同事分別講多咗兩次：「又入口溶化！」
最後我想講下壽司師傅，幫我地做壽司嗰位係店長，佢係日本人。佢對魚生嘅形狀都好講究，如果覺得唔合適會切左一部份寧可掉咗佢。仲有，我喺佢身上都學到一樣嘢，就係佢做乜嘢都係親力親為，例如佢準備食材，將啲魚骨掹出嚟，已佢店長嘅身份，應該可以叫另一位師傅幫佢做，但係佢冇咁做。令我學到，無論第時我個職位做到幾高幾大甚至係老闆，做事都係要親力親為。
總結：
- 餐廳話lunch 只會做一輪，所以都好難定位
- 店舖外邊嘅設計嘅非常之和式
- 之前嗰個四百幾蚊嘅餐依家冇咗
- 店內嘅裝修係以木為主
- 有塊好靚嘅concept wall，感覺有啲似雷電，或者係飄葉
- 食鋪江戶前壽司即係手握壽司
- 侍應好用心解答我哋有關壽司嘅問題，佢對日本菜的認識非常之深，亦都非常有禮貌
- 推介：其實每一種壽司都好食
- 特別推介：會溶化嘅 - 中拖羅，秋刀魚，石垣貝；縞海老同埋蛋
- 師傅係店長，魚生嘅形狀都好講究，做乜嘢都係親力親為
油甘魚，鰹魚
84 瀏覽
0 讚好
0 留言
金木叼，赤身醬油魚，中拖羅
79 瀏覽
0 讚好
0 留言
鯖魚，秋刀魚，縞海老
92 瀏覽
0 讚好
0 留言
石垣貝，海膽，蛋，吞拿魚卷
69 瀏覽
0 讚好
0 留言
湯，鰻魚，雪糕
59 瀏覽
0 讚好
0 留言
張貼
