明記黑山羊專門店 (已搬遷) 新店位置

觀塘返工，成日都會同同輸黎東廣場食野。其實好多間都食過，而且呢度食肆一般都好高質，天氣涷涷地，最近瘋狂去明記食黑山羊米線。呢度既黑山羊比平時既羊肉很香，而且無咩羶味相信店主係調製過程做過好多功夫。肉質嫩滑，忟到好腍，入口即溶。米線亦有別於平時既處理，一般麵家因為趕時間，米線通常是預先造好，導致質感太腍，沒有食麵應有既爽口。這店的米線則是幼滑之餘，亦可以食到薯薯聲，可見店主是接到order 才淥米線。湯底是姬松茸蟲草花羊骨湯，絕不是味精湯！淡淡既肉香而不羶，而且因為用羊骨煮，喝下去成身暖哂！枱上附上自製酸菜，原來是為羊肉提鮮，入口真的很香，微辣微酸的味道為幼嫩羊肉增添一份微刺激，口感又再豐富起來。