霸嗎拉麵 (金巴利道)

營業中

休息中

好耐冇食拉麵，又同朋友係尖沙咀行開，於是上網搵下最近有咩拉麵鋪好食，結果就搵到呢間霸嗎拉麵了，呢間落單都係自己寫紙，有得揀麵既軟硬度啦，仲有少蔥少苟唔同配料呢啲例排野，但我第一次有埋少油呢個選擇，睇黎好多餐廳都要走健康路線啦，但我就冇叫到少油既，首先講個流心蛋就真係perfect本身自己好中意食，最令我印象深刻係個湯，拉麵最重要就係個湯底，唔會話太咸，最驚食完會好口渴，呢個湯濃得黎好好飲，食完我都飲咗幾啖，之後舊肉亦都好好食，半肥瘦就剛剛好，叉燒夠入味，唔會話好似平時個啲冰鮮無味肉咁，所以我都大大力推薦大家試下食呢間霸嗎拉麵！