醉胡爐 (已搬遷) 新店位置

招牌鮮椰青雞鍋呢個湯底真係好香，首先職員會幫你用牛油煎炒下的雞，會聞到好香嘅牛油味同雞味，然後會再落調酒，再用火燒起成個鍋，然後就會落新鮮嘅椰青水，感覺好真材實料，唔係用水hea你，之後會再加番啲湯底。啲湯好好飲又有牛油既香味同椰青既清甜，我哋飲咗好多湯，個職員建議我哋飲咗湯先，然後再幫我地fill湯底再煮其他嘢食。黑松露蟹子魚麵打過咁多次邊爐，第一次見咁樣嘅魚麵！好似平時整蛋糕嘅cream咁，好得意。喺湯滾嘅時候慢慢擠落去，可以隨心所欲調教長度。味道方面，黑松露味足，而且蟹子份量都好多，口感彈牙，如果唔想食黎食去都係烏冬公仔麵，不妨試下呢個咁特別嘅魚麵！牛肉打邊爐當然唔少得一碟靚牛肉！店員推薦嘅呢款牛肉肥瘦均勻，厚度適中，而且非常新鮮。中份已經足夠四人享用，物超所值。放入湯中大概十秒，牛肉仲有隱約嘅粉紅色，肉質鮮嫩，唔會有太過分嘅油脂，非常美味！