影片
更多
2018-02-03
702 瀏覽
凍到儍，天文台話今日有七度，但唔知點解我覺得冇。約左friend 食飯，响街口等左幾分鐘已經變成冰雕。然後除左打邊爐，我諗唔到其他野食。 我哋沿着條食街打算一路行一路搵，冇幾耐就見到一間好似唔錯嘅火鍋店，即入了，再留喺條街度會凍死。呢間餐廳可以食火鍋、刺身同串燒，名叫醉胡爐，會否用酒底打邊爐？睇下張火鍋單先！湯㡳都好多選擇又特別，火熖龍蝦海鮮鍋好似幾吸引，四格鍋又好得意，卜卜蜆鍋以前响其他店食過都正喎，不如再 encore ? 响大家仲十五十六之際，聞到好香的椰奶味，即刻 feel 到好肚餓，香味原來係隔幾張枱後面轉來的。再望下菜單應該是鮮椰青雞鍋，一於試佢啦！過左冇耐，師傅仔就端上一個銅鍋，打開一睇原來裡面有半隻鮮雞，仲有D椰子肉。師傅加左牛油，炒起上嚟好香。差唔多到熟咗一半嘅時候，師傅加入少少酒，然後點火燒紅佢，未食都覺得好有氣氛。然後加入一個鮮椰青水，煮煮佢之後，再加入自家特製嘅調味椰奶。一路煲一路聞到好香椰奶味，唔怪得我哋頭先隔住幾張枱都聞到佢嘅香味。師傅仲話啲湯好得，提議我哋點都要飲番幾啖試吓。試咗味道好清甜，有中式老火湯嘅濃郁，又有西湯嘅香味，椰青雞飲落又有少少泰菜feel
我哋沿着條食街打算一路行一路搵，冇幾耐就見到一間好似唔錯嘅火鍋店，即入了，再留喺條街度會凍死。
呢間餐廳可以食火鍋、刺身同串燒，名叫醉胡爐，會否用酒底打邊爐？睇下張火鍋單先！
湯㡳都好多選擇又特別，火熖龍蝦海鮮鍋好似幾吸引，四格鍋又好得意，卜卜蜆鍋以前响其他店食過都正喎，不如再 encore ?
响大家仲十五十六之際，聞到好香的椰奶味，即刻 feel 到好肚餓，香味原來係隔幾張枱後面轉來的。再望下菜單應該是鮮椰青雞鍋，一於試佢啦！
過左冇耐，師傅仔就端上一個銅鍋，打開一睇原來裡面有半隻鮮雞，仲有D椰子肉。師傅加左牛油，炒起上嚟好香。
鮮椰青雞鍋$268
20 瀏覽
0 讚好
0 留言
差唔多到熟咗一半嘅時候，師傅加入少少酒，然後點火燒紅佢，未食都覺得好有氣氛。
鮮椰青雞鍋$268
19 瀏覽
0 讚好
0 留言
然後加入一個鮮椰青水，煮煮佢之後，再加入自家特製嘅調味椰奶。一路煲一路聞到好香椰奶味，唔怪得我哋頭先隔住幾張枱都聞到佢嘅香味。
師傅仲話啲湯好得，提議我哋點都要飲番幾啖試吓。
鮮椰青雞鍋$268
14 瀏覽
0 讚好
0 留言
試咗味道好清甜，有中式老火湯嘅濃郁，又有西湯嘅香味，椰青雞飲落又有少少泰菜feel ，果然正呀！真材實料，由頭到尾煮埋俾你睇，無花無假。我哋每人飲咗一大碗，先至正式開始打邊爐⋯⋯
再試火鍋入邊切開咗嘅雞件，雞味濃肉鮮嫩緊緊熟，唔使點醬都好味。
火鍋配料我哋叫咗頂級手切肥牛，紋理尚算清晰，但係牛味稍稍比較淡。
手切頂級肥牛$188
8 瀏覽
0 讚好
0 留言
我哋仲叫咗白鱔片，切得好大片，亦睇得出佢好精神，爽口彈牙冇碎骨。Good choice!
白蟮片$128
9 瀏覽
0 讚好
0 留言
打邊爐食蔬菜就一定係唔少得㗎啦，呢度嘅蔬菜籃有多種款式包括唐篙、皇帝菜同唐生菜，啱曬我地人少少打邊爐，唔使食來食去得一味。蔬菜亦好新鮮，用來配椰青湯底額外鮮甜好味。
為咗食盡個靚湯底，我地仲專登叫咗啲索湯嘅配料，就係冰豆腐同埋韮菜餃啦。
冰豆腐真係打邊爐既好 partner, 好想讚下發明嗰位人仕。冰豆腐一層層咁，索晒啲湯底，令到原本已經好好味既椰青湯底，更加添上豐富嘅口感，簡直無敵。
冰豆腐$38
12 瀏覽
0 讚好
0 留言
而韮菜餃呢，明顯係自家製㗎！都可以稱得上係皮薄餡靚，再加上佢裝一個藤籃形狀嘅碟入面。好有中國feel，又食得又睇得。
自家製韮菜餃 $44
9 瀏覽
0 讚好
0 留言
個湯真係好鮮甜，我哋全程都唔使點醬，各種食物都已經好好味了。再加上食完都唔覺得口渴，似乎真係冇落師傅噃。
呢度環境都幾好，枱與枱之間有屏風隔住，私隱度幾好。仲播住 classy jazz 加上 dim light, 完全營造到 fine dining 既效果。天花板上面有幾個大波波燈，影相出嚟真係超靚。
呢個環境，真係要飲返杯。我地試左一款美國手工啤，果味重香氣濃易入口，但飲落有啲苦，酒精含量都幾重有6.5%。頗為矛盾的組合，都幾得意，唔係成日飲到。
Samuel Adams Rebel Ale $68
7 瀏覽
0 讚好
0 留言
張貼
