一鍋堂 (大鴻輝(荃灣)中心) (已搬遷) 新店位置

突然好想打邊爐就去左荃灣，打極佢地既電話都打唔通，諗住10點咁晏應該唔洗等位啦，點知去到人山人海...最後，等左半個鐘有多！叫左個藥膳湯底，材料十足！試左一啖湯，好濃郁既藥材味，好香好清甜好正佢地每日都會有唔同既是日海鮮，今日係蜆，任食黎講其實品質好唔錯，無沙而且幾大隻幾鮮甜仲有大大隻既新鮮海蝦，蝦既肉質好實，咬落去好鮮甜，仲有d蝦膏肥牛一塊塊細細塊，一啖一塊岩岩好！牛味幾濃，不過唔夠滑炸魚皮唔會碎晒，大大塊而且脆卜卜！放落湯度混合埋藥膳既清甜香味更好味牛柏葉好爽口，蟹棒就正常甜甜地....呢間既配料同湯底都好唔錯，不過唔想要等位等咁耐