影片
更多
2018-11-11
134 瀏覽
今日嚟咗區內有名氣嘅拉麵店。餐廳裝修有吧枱坐， 有生啤和特色嘅酒類飲品， 但小弟當日冇嗌到酒。拉麵店嚟講呢間拉麵店食物選擇都算多， 例如有玉子燒，大阪燒，章魚丸， 沙律，炸物等等。我哋點咗個芝士章魚丸， 芝士味濃， 芝士有用火槍燒過， 章魚丸內材料豐富， 非常熱， 應該係即叫即整。點咗香炸芝士餃子雞翼， 雞翼應該有醃製過， 有少少南乳味， 雞翼有少少辣， 芝士釀咗喺雞翼裏面， 口感豐富。拉麵湯底有五款口味畀大家揀朋友點左碗特別嘅拉麵， 叉燒芫茜拉麵， 芫茜味濃， 鍾意食芫茜嘅朋友一定要試。我叫咗碗豬軟骨地獄拉麵， 豬軟骨分量夠多， 夠冧夠入味， 個湯底辣得嚟都食得出有豬骨湯味， 個拉麵質感都好好， 隻糖心蛋簡直一流。整體嚟講，以佢嘅價錢同質素都算成正比拉麵唔係出面啲行貨，如果想食拉麵應該會第一時間諗起呢度
今日嚟咗區內有名氣嘅拉麵店。
餐廳裝修有吧枱坐， 有生啤和特色嘅酒類飲品， 但小弟當日冇嗌到酒。
拉麵店嚟講呢間拉麵店食物選擇都算多， 例如有玉子燒，大阪燒，章魚丸， 沙律，炸物等等。
我哋點咗個芝士章魚丸， 芝士味濃， 芝士有用火槍燒過， 章魚丸內材料豐富， 非常熱， 應該係即叫即整。
點咗香炸芝士餃子雞翼， 雞翼應該有醃製過， 有少少南乳味， 雞翼有少少辣， 芝士釀咗喺雞翼裏面， 口感豐富。
拉麵湯底有五款口味畀大家揀
朋友點左碗特別嘅拉麵， 叉燒芫茜拉麵， 芫茜味濃， 鍾意食芫茜嘅朋友一定要試。
我叫咗碗豬軟骨地獄拉麵， 豬軟骨分量夠多， 夠冧夠入味， 個湯底辣得嚟都食得出有豬骨湯味， 個拉麵質感都好好， 隻糖心蛋簡直一流。
整體嚟講，以佢嘅價錢同質素都算成正比
拉麵唔係出面啲行貨，如果想食拉麵應該會第一時間諗起呢度
張貼
