影片
更多
2017-04-03
332 瀏覽
老婆過開來中環，搵地方食好西，睇睇手提電話唔知幾時紀錄咗呢間西班牙餐廳，就揀咗呢間試吓。我哋奉行惜食習慣，所以只係點左一個前菜Nachos，同一個主菜西班牙海鮮飯。我相信呢兩道菜都係基本嘅菜式，可惜出品和味道都強差人意！完全係虛有其表嘅西班牙餐廳，出品只係港式水準！👎🏼👎🏼👎🏼👎🏼👎🏼先講Nachos。Nachos基本嘅煮法都係喺䅇米片上面灑上水牛芝士等，然後將d芝士焗熔，再放上番茄沙沙、牛油果蓉、酸忌廉，甚至有墨西哥辣椒；食嘅時候要趁熱，將粟米片拉出時有拔絲嘅效果。好～可～惜～！呢碟所謂 Espuma Nachos (押上自己鋪頭個名，即係招牌前菜啦！) 想喺裏面搵啲芝士睇吓都極之困難👎🏼，啲粟米片好似一盤散沙咁樣👎🏼，根本唔會有芝士喺中間將佢哋黐實👎🏼！而且，只係微暖，咁差嘅Nachos都係第一次！而番茄沙沙同牛油果蓉都好乾身，好難用䅇米片點嚟食👎🏼！至於西班牙海鮮飯，出品嘅質素簡直就好似係茶餐廳嘅福建炒飯，意思係飯有飯炒，餸還餸煮，然後就咁鋪喺d飯上面👎🏼👎🏼👎🏼👎🏼👎🏼 ！所以，飯還飯一個味道，煎蝦還煎蝦一個味道，其他海鮮還其他海鮮一個味道，只係咁啱放埋一齊，所有味道完全唔配合
我哋奉行惜食習慣，所以只係點左一個前菜Nachos，同一個主菜西班牙海鮮飯。我相信呢兩道菜都係基本嘅菜式，可惜出品和味道都強差人意！完全係虛有其表嘅西班牙餐廳，出品只係港式水準！👎🏼👎🏼👎🏼👎🏼👎🏼
先講Nachos。Nachos基本嘅煮法都係喺䅇米片上面灑上水牛芝士等，然後將d芝士焗熔，再放上番茄沙沙、牛油果蓉、酸忌廉，甚至有墨西哥辣椒；食嘅時候要趁熱，將粟米片拉出時有拔絲嘅效果。好～可～惜～！呢碟所謂 Espuma Nachos (押上自己鋪頭個名，即係招牌前菜啦！) 想喺裏面搵啲芝士睇吓都極之困難👎🏼，啲粟米片好似一盤散沙咁樣👎🏼，根本唔會有芝士喺中間將佢哋黐實👎🏼！而且，只係微暖，咁差嘅Nachos都係第一次！而番茄沙沙同牛油果蓉都好乾身，好難用䅇米片點嚟食👎🏼！
至於西班牙海鮮飯，出品嘅質素簡直就好似係茶餐廳嘅福建炒飯，意思係飯有飯炒，餸還餸煮，然後就咁鋪喺d飯上面👎🏼👎🏼👎🏼👎🏼👎🏼 ！所以，飯還飯一個味道，煎蝦還煎蝦一個味道，其他海鮮還其他海鮮一個味道，只係咁啱放埋一齊，所有味道完全唔配合，完全貌合神離👎🏼👎🏼👎🏼👎🏼👎🏼！仲有，d飯太濕，根本未夠收水，比risotto 還要濕好多，食完啲飯喺碟底係有啲汁剩低。咁嘅質素，完～全～唔～合～格～！
記住，無論食意大利粉，定係食意大利飯，食完係唔應該有汁剩低喺碟底，啲汁應該係掛住喺每一條意大利粉或者粒飯上面，要啱啱好食晒，為之好嘢。至於西班牙海鮮飯，d飯應該比意大利飯再稍為乾身！最後一題，d西班牙啤酒幾好飲，係呢餐最滿意嘅！
拜拜，冇下次啦！
張貼
