影片
更多
2021-02-05
109 瀏覽
呢排好多人喺IG post呢間嘅下午茶，睇啲相都幾靚，於是同同學今日趁早落堂就特登走過來將軍澳食呢個下午茶。估唔到星期五嘅下午嚟到都幾滿座，諗住揀個影相打卡靚啲嘅位，但係已經冇晒，想打卡嘅朋友記得要提早訂座啊！特登黎食呢個打卡日式下午茶，咁當然係叫返呢個餐啦！🌸花楽日式下午茶（兩位用）$268呢個下午茶包左三款熱食，同埋多款凍食。🐥今日嘅熱食有牙蔥牛肉卷兩件、唐揚炸雞兩件同埋明太子雞翼兩件。店員貼心嘅提醒我地個牙蔥牛肉卷一定要趁熱食。趁熱食嗰陣個牛肉卷真係好香，牛肉味香濃，配埋少少燒汁同埋牙蔥，好食。唐揚炸雞嘅雞肉嫩滑，炸粉唔會太厚，外脆內軟。明太子雞翼辣辣地，好香。🍣凍食有兩層，上層有青瓜牛油果反卷兩件、波子壽司兩件、日本水果蕃茄同埋芥末八爪魚兩碟。青瓜牛油果反卷嘅牛油果味好濃郁同埋啲牛油果好香滑，好食。今日嘅波子壽司係金目鯛壽司，圓形一粒波咁好可愛，從上面嘅金目鯛刺身睇得出師傅嘅刀功好，上面仲有啲金箔添，望落好矜貴。日本水果番茄係車厘茄，味道清新。芥末八爪魚芥末味十足，有啲辣。八爪魚口感彈牙。🍡下層嘅凍食有十勝紅豆蓉配小丸子、日式蕨餅兩件、日本時令生果同埋焦糖蛋糕。十勝紅豆蓉好甜！
估唔到星期五嘅下午嚟到都幾滿座，諗住揀個影相打卡靚啲嘅位，但係已經冇晒，想打卡嘅朋友記得要提早訂座啊！
特登黎食呢個打卡日式下午茶，咁當然係叫返呢個餐啦！
🌸花楽日式下午茶（兩位用）$268
呢個下午茶包左三款熱食，同埋多款凍食。
🐥今日嘅熱食有牙蔥牛肉卷兩件、唐揚炸雞兩件同埋明太子雞翼兩件。
店員貼心嘅提醒我地個牙蔥牛肉卷一定要趁熱食。趁熱食嗰陣個牛肉卷真係好香，牛肉味香濃，配埋少少燒汁同埋牙蔥，好食。
唐揚炸雞嘅雞肉嫩滑，炸粉唔會太厚，外脆內軟。
明太子雞翼辣辣地，好香。
🍣凍食有兩層，上層有青瓜牛油果反卷兩件、波子壽司兩件、日本水果蕃茄同埋芥末八爪魚兩碟。
青瓜牛油果反卷嘅牛油果味好濃郁同埋啲牛油果好香滑，好食。
今日嘅波子壽司係金目鯛壽司，圓形一粒波咁好可愛，從上面嘅金目鯛刺身睇得出師傅嘅刀功好，上面仲有啲金箔添，望落好矜貴。
日本水果番茄係車厘茄，味道清新。
芥末八爪魚芥末味十足，有啲辣。八爪魚口感彈牙。
🍡下層嘅凍食有十勝紅豆蓉配小丸子、日式蕨餅兩件、日本時令生果同埋焦糖蛋糕。
十勝紅豆蓉好甜！同煙韌嘅小丸子好夾。小丸子有兩串，每串兩粒。
日式蕨餅係抹茶味嘅，都唔錯。
日本時令生果有士多啤梨同青提子，兩個都好甜同埋充滿水分，正啊！
焦糖蛋糕嘅焦糖味濃，不過對我黎講就甜左少少。
🫖花茶
花茶我哋揀咗檸檬熱情果茶。會一路有個點著左嘅蠟燭座住個茶壺，防止啲茶變凍。啲茶酸酸地，充滿熱情果香。有蜜糖可以自己加落去杯入面調節甜度。不過如果真係好怕酸嘅朋友可以揀其他茶，例如日本水果茶、白桃烏龍茶等。
食下坐下又吹下水，咁就兩個鐘。如果唔係之後有野做，其實坐一個下午都幾正。
張貼
