影片
更多
2023-01-15
44 瀏覽
好耐無行入尖沙咀相對隱蔽既天文臺圍，原來而家多左高質餐廳進駐！其中現代居酒屋SAKEH，顧名思義就係用日本清酒配合高質日式串燒，用上大多日本產地食材，仲有每日新鮮空運到港既海鮮😍店內裝潢以型格為主，富日本風味既竹簾、紙傘、燈籠等原素放入充滿現代感既環境，好特別。餐牌上面有唔同串燒主菜選擇，其中Drink Menu仲有唔同款式清酒詳細介紹！我地今次試左仁井田自然酒，熟成甘甜好容易入口，而且呈現純米原味，就算配搭濃味串燒都唔怕被搶過風頭🍶冷盤有南非鮑魚，味道鮮甜口感彈牙。最愛嘅吞拿魚酒盗芝士鹹香味濃，送酒一流！串燒有好多唔同選擇，稀有部位都唔少，留意多數串燒都要兩串起落單🍢🔸自家製免治雞肉軟骨 - 雞肉同軟骨比例幾好，大大舊幾有份量！醬燒之後味道濃郁，最緊要加埋蛋黃一齊食！🔸荔枝豚肉卷 - 大推！！豚肉包住荔枝肉一齊燒，肉香加上清新荔枝甜味好夾，我同朋友都追加左🤤高質燒鳥店唔少得香港較少見嘅部位！鳥腳筋鹽燒過後外層香脆食落爽口，雞軟肉油份比較重，燒完之後油香逼哂出黎，好好味🥰雞肝、雞頸肉、蔥豬腩肉、厚切牛舌芯全部都燒得好香，無論係醬燒定鹽燒調味都好適中。熟食方面必點海膽松葉蟹蓋甲羅燒，濃味
店內裝潢以型格為主，富日本風味既竹簾、紙傘、燈籠等原素放入充滿現代感既環境，好特別。餐牌上面有唔同串燒主菜選擇，其中Drink Menu仲有唔同款式清酒詳細介紹！我地今次試左仁井田自然酒，熟成甘甜好容易入口，而且呈現純米原味，就算配搭濃味串燒都唔怕被搶過風頭🍶
冷盤有南非鮑魚，味道鮮甜口感彈牙。最愛嘅吞拿魚酒盗芝士鹹香味濃，送酒一流！
串燒有好多唔同選擇，稀有部位都唔少，留意多數串燒都要兩串起落單🍢
🔸自家製免治雞肉軟骨 - 雞肉同軟骨比例幾好，大大舊幾有份量！醬燒之後味道濃郁，最緊要加埋蛋黃一齊食！
🔸荔枝豚肉卷 - 大推！！豚肉包住荔枝肉一齊燒，肉香加上清新荔枝甜味好夾，我同朋友都追加左🤤
高質燒鳥店唔少得香港較少見嘅部位！鳥腳筋鹽燒過後外層香脆食落爽口，雞軟肉油份比較重，燒完之後油香逼哂出黎，好好味🥰
雞肝、雞頸肉、蔥豬腩肉、厚切牛舌芯全部都燒得好香，無論係醬燒定鹽燒調味都好適中。
熟食方面必點海膽松葉蟹蓋甲羅燒，濃味到不得了，蟹膏同海膽好有鮮味，配紫菜梳打餅食真係停唔到口！最後食返個三文魚燒飯團，外層燒到香脆，加上淡淡醬油味，收個靚尾
張貼
