至尊滿屋日本料理 (已結業)

今次來這間位於旺角的至尊滿屋日本放題是朋友介紹，朋友食過食物質素唔差又幾新鮮，價錢又便宜，所以來試一試。已經揀平日嚟，但七點左右已經坐滿晒人。坐低之後循例𥄫下有咩嘢飲同嘢食係自助任飲任食嘅，甜品同飲品的選擇都不少!日本清酒係我哋幾個大男人的目標，任飲前菜款式唔多，但都啱食，個鳳爪送酒一流。刺身好新鮮，三文魚同吞拿魚香滑肥美，甜蝦虎蝦都大隻夠鮮甜，鮑魚片、帶子、蟹棒都唔錯！蒜片牛柳粒好嫩滑又惹味，又係送酒一流的菜！