胡爐 (已結業)

今日放假去銅鑼灣接男朋友收工天冷冷大家都想食熱辣辣既野就決定去打邊爐 上網揀左陣莫名被依一間胡爐個名吸引左 而且見評價唔錯 就走去試一試二人座位都有屏風間隔 私隱度高打邊爐湯底好緊要我地就揀左鮮椰青雞鍋有半隻雞 底部舖滿椰肉然後店員會加小小酒 製造火焰效果再加上椰汁湯底仲有原隻椰汁 真材真料店員話等湯滾後先飲湯 湯汁十分清甜 散發濃濃椰子香 不知不覺飲晒一大碗雞肉嫩滑 半隻雞同男朋友兩個人食岩岩好之後就加湯去打邊爐蔬菜拼盤 小大大盤 有三種蔬菜 全部都好新鮮皇帝菜原本以為蔬菜拼盤小份會好少 就另外叫埋皇帝菜 點知兩盤都大大份但都同男朋友食晒 夠晒健康手打墨魚丸墨魚味香 爽滑彈牙粉絲大大盤比想像中份量多 彈牙粉絲吸晒湯汁 十分清甜貴妃蚌有兩大隻 店員提醒蚌肉離殻就食得滾滾就食得 十分鮮蚌 必點推薦