胡爐 (已結業)

而家呢個時勢，都應該唔會再去中國食椰子雞，咁啱朋友話試過呢間好食，咁就同佢試下啦！招牌鮮椰青雞鍋($298)一上個鍋，店員就先將椰子同雞爆香，再加酒點火，勁Photogenic!然後就加入原個椰青水同湯底，記得飲多幾碗湯先落配料同叫佢加湯，因為真係勁甜，加完湯就會淡好多。手打蝦滑($98)超足料嘅蝦滑，爽口彈牙，入面仲有好多大大隻嘅蝦仁，口感十足，仲有埋蟹籽，令味道更鮮！黑松露蟹肉餃($68/4)一咬開，就食到濃厚嘅黑松露醬味，除咗蟹肉絲外，餃子仲有好多雞脾菇粒，令口感更豐富。