烏蠅館 (已搬遷) 新店位置

又有新樓上舖，又係試新野既時候。6款餸$48，麻辣湯底，加$10玫瑰蜂蜜餸有好多選擇，要左雞亦，海膽丸，海白菜，鴨血，雲耳，寬麵。湯面有一大球蒜頭粒，蔥粒同芫茜，勁香。麻辣湯底有香料既香味，寬麵吸曬湯味又煙韌，正。雞亦用鹵水煮過，好味。鴨血，雲耳同海白菜都爽口。玫瑰蜂蜜好足料，有好多玫瑰花瓣，飲落好香玫瑰花味。6款餸$48加$4 土豆粉，清湯湯底，加$10桂花蜂蜜。簡左豆皮，肥牛，羅白，淮山，魚皮餃，午餐肉。清湯湯面都有一大球蒜頭粒，蔥同芫茜，仲有紅棗，杞子。估唔到都好濃郁。豆皮好重豆味，羅白清甜，淮山爽口，肥牛，午餐肉同魚皮餃都好味。桂花蜂蜜好多桂花，好香，清甜解渴。呢度除左食物好，環境仲舒適，服務又好好。值得再黎。