影片
更多
2016-03-02
321 瀏覽
早排有少少唔舒服想食清淡少少又唔知食咩好就醒起HYSAN好似開左間新既中餐所以就上左去試下喇我地2個人無BOOK位上到去就安排左我地坐對窗既’自閉位’不過都幾好WOR因為夠高，所以可以望下景厚切叉燒皇 $68見佢餐牌張相好吸引所以就叫左碟黎試下叉燒唔夠肥，食落比較鞋同無咁香陳醋手拍青瓜 $38個口病到淡茅茅於是叫左個酸酸地既拍青瓜開一開胃青瓜夠爽口，個陳醋都唔會拿喉但係估唔到原來佢有少少辣唔食辣既朋友仔要留意番天山雪蓮燉海星 $42見佢有燉湯飲就叫番碗潤一潤先不過好失望，個湯勁淡一D甜味都無，似係岩岩滾起左就拎出黎賣金銀蒜蒸娃娃菜 $38娃娃菜夠嫩，食落無渣加埋金銀蒜就其實都好難唔好食剁椒蒸鮮魚頭 $48呢個係男友叫既，我都有試小小魚頭夠新鮮唔會有腥味剁椒都唔錯，唔會太辣瑤柱冬菇肉餅蒸飯 $38個飯望落都幾足輝雖然係用左細細粒既瑤柱，不過味道唔錯對比之下冬菇就有D失色，唔香又無咩味飯係用竹筒蒸既，但D飯就唔覺有咩特別應該都係美觀多過味道金湯小米煮肥牛 $68金湯即係南瓜湯其實就好似個小米粥加左肥牛咁肥牛都算比得幾多係出面都好少見咁煮，算幾有新意自制有機豆漿 $18用個燈泡裝住都幾得意飲
早排有少少唔舒服想食清淡少少又唔知食咩好
就醒起HYSAN好似開左間新既中餐
所以就上左去試下喇
我地2個人無BOOK位
上到去就安排左我地坐對窗既’自閉位’
不過都幾好WOR
因為夠高，所以可以望下景
厚切叉燒皇 $68見佢餐牌張相好吸引
所以就叫左碟黎試下
叉燒唔夠肥，食落比較鞋同無咁香
陳醋手拍青瓜 $38個口病到淡茅茅
於是叫左個酸酸地既拍青瓜開一開胃
青瓜夠爽口，個陳醋都唔會拿喉
但係估唔到原來佢有少少辣
唔食辣既朋友仔要留意番
天山雪蓮燉海星 $42見佢有燉湯飲就叫番碗潤一潤先
不過好失望，個湯勁淡
一D甜味都無，似係岩岩滾起左就拎出黎賣
金銀蒜蒸娃娃菜 $38娃娃菜夠嫩，食落無渣
加埋金銀蒜就其實都好難唔好食
剁椒蒸鮮魚頭 $48呢個係男友叫既，我都有試小小
魚頭夠新鮮唔會有腥味
剁椒都唔錯，唔會太辣
瑤柱冬菇肉餅蒸飯 $38個飯望落都幾足輝
雖然係用左細細粒既瑤柱，不過味道唔錯
對比之下冬菇就有D失色，唔香又無咩味
飯係用竹筒蒸既，但D飯就唔覺有咩特別
應該都係美觀多過味道
金湯小米煮肥牛 $68金湯即係南瓜湯
其實就好似個小米粥加左肥牛咁
肥牛都算比得幾多
係出面都好少見咁煮，算幾有新意
自制有機豆漿 $18用個燈泡裝住都幾得意
飲落幾杰身，豆味都好濃，唔錯
整體黎講都唔算好差
但如果有其他選擇就未必會番去再食
雖然食物既選擇好多，而且價錢公道
但普遍食物味道真係太淡/唔夠味
似係唔記得落調味多過係主打清淡
但如果你個人真係好健康
好怕出面D野食好多油/鹽
呢到可能會幾適合你
張貼
