Project B (已結業)

之前都聽過Project B 呢間精緻西餐廳😝超大份好抵食，我哋6:00去到，餐廳燈光昏暗幾浪漫，已經坐滿左一半客人😊✨PROJECT B 精選二人餐 $298釀焗地中海鵝肝鴨胸諗唔到鵝肝拍得住鴨胸咁大件，鵝肝個皮煎得脆，入面嫩。鴨胸大大份，入面夾住啲士多啤梨，所以食落甜甜地。底部仲有啲羽衣甘藍🥬側邊有薯條成條都炸得好脆，薯條份量唔會太多，但係過口癮😝西班牙鮮魷筒飯呢個真係勁得意，由於脹卜卜入面塞滿飯，切開清楚見到有好多釀飯，飯比較軟身，分量剛剛好。側邊仲有羽衣甘藍，底部係一啲辣汁，配埋魷魚飯，好好食。煙三文魚芒果什菜沙律比想像中出色😝芒果一大片超多件切得靚，三文魚入面仲有啲醋粒粒調味。