番茄師兄

營業中

休息中

今日又係深水埗度出沒，之前搵過一間係深水埗食番茄麵嘅好似好正咁，而我同我女朋友又係番茄迷咁梗係要去試一試啦。一坐低見到間鋪頭嘅裝修都幾新穎，牆上邊嘅木製餐牌又幾別緻。睇完餐牌之後我就叫咗個犇犇有禮嘅牛肉麵，而女朋友呢就叫咗個四寶丸番茄湯濃湯，見到佢有個麻辣瑞士雞翼幾特別又叫埋佢，仲加左個炸魚片頭同埋叫左兩杯野飲，檸檬雪梨露同桂圓紅棗桑寄生茶。先講個犇犇有禮牛肉麵，食落都幾有牛味但係有啲部位就有少少鞋，個番茄湯底如果再濃少少就好啦同埋如果有啲蕃茄容喺入邊嘅話咁就冇得頂。反而個麻辣雞翼就真係有啲驚喜，係出面食唔到呢個小小麻辣又有瑞士雞翼既sweat sweat味道。個四寶丸就正常嘢啦冇乜特別。反而個檸檬雪梨路都幾出色， 女朋友都爭住飲我個杯唔記得咗飲自己個杯野。總括來講如果係蕃茄控休又行開深水埗嘅話都可以去試吓呢間鋪頭㗎。