囍源古早蛋糕 (已結業)

在深水埗拎貨時，見到有間新開的古早味蛋糕。店員表示每日新鮮現烤，材料新鮮，出爐時間在門外告示，再睇睇，嘩，有好多不同的口味，心思思好想食。日本流心紫薯 $75即出爐既係紫薯味，即出即切，熱辣辣，好鬆軟，日本流心紫薯，見到紫色已經好吸引，切開都見到紫薯蓉，都好滿，食落很幼滑，又香軟。咸蛋流心奶黃 $75本身想食原味，但我貪心想食流心奶黃，夾心望落去好似好少奶黃，但食落都好夠，本身蛋糕已經好香蛋味，同埋軟綿綿，老公食到起沙的咸蛋，奶黃很幼滑。鴛鴦流心朱古力 $70呢個有驚喜，朱古力面層有彩虹糖霜，我諗小朋友食會開心的。上層是朱古力，下層是原味蛋糕，夾層是濃厚朱古力，整體唔算太甜。我覺得每款蛋糕都各有特色，但共同點是很軟棉幼滑，同埋底部沒有烘烤的焦感，蛋糕本身不太肥膩，少甜唔係無味，非常健康。