Feather & Bone

營業中

休息中

假期同朋友黎食個brunch,睇相見環境唔錯就黎試下，當日坐室外帶點微風就好舒適，但眼見餐廳食物種類唔多又貴，都好難揀得落手，最後我地3個人都只係揀左2款😅焗芝士薯仔丸子配大啡菇 $168薯仔整成粒狀食落煙煙靭靭，諗住大啡菇係成粒點知切到勁細粒，成碟都好難搵到啡菇，加上入面有好多麵包粒，但餐牌無寫會有麵包粒，麵包食落勁硬，成碟個主角好似係麵包粒咁😰😰😰草飼牛肉漢堡 $188漢堡扒叫左5成熟，食落去偏乾身牛肉味濃，但就一滴汁都無，成個包偏細個，伴碟嘅薯條粗身外脆，但炸到有啲乾身。Flat White $35Cappuccino $35咖啡都比較細杯，味道正常。整體價錢好貴，又無乜選擇，只係坐得舒適，唔會再黎。