影片
開飯介紹
品牌創立於2015年，集合肉店、雜貨店和英式餐飲三個元素，主張引入農場直送的優質食材，更供應不含激素、抗生素和生長刺激劑的肉類。
繼續閱讀
營業時間
今日營業
11:00 - 22:00
星期一至五
11:00 - 22:00
星期六至日
10:00 - 22:00
以上資料只供參考, 請與餐廳確認詳情
有關獎賞計劃
食家推介
想講星期二過黎呢度食T骨超值優惠，係半價️位於荃灣海之戀feather&bone門外望落好似去左外國式超市其實行入d 係餐廳，設有室內室外座位望住海景chill 住食西餐都幾浪漫,食到甘上下仲有live music 聽 星期二有T骨牛扒半價優惠，去肉櫃order 岩人數食ge size ,可加配唔同配菜醬汁，可以幫手切埋～半價 $46.5/100g 店員提議3-4成熟果然剛好粉嫩粉嫩，外層有炭烤焦香，入面軟嫩juicy配菜Mac and cheese $78 睇美劇成日見到芝士通心粉都會好想食！焗過芝士好香芝士味 金黃香脆西蘭花苗 $78很愛長柄西蘭花扒類配菜好搭草飼牛肉漢堡$198配粗薯 呢度食burger ge beef 都可以調節幾成熟，兔治就7成熟好了，咬落真係好juicy 重牛味蒜蓉蝦配烤麵包$148已剝殻，保留蝦頭蝦尾賣相靚仔，蒜香有風味Mocktail & smoothie🔸Strawberry & mint fizz $68 🔸Homegrown berry smoothie $68
繼續閱讀
最近喺荃灣發現咗一間超有驚喜嘅地方——門口睇落係一間歐式超市，入面竟然藏住一間氣氛超浪漫嘅西餐廳。成個空間靜靜地、優雅得嚟又唔造作，係嗰種你一坐低就會不自覺放慢語速嘅餐廳。最吸引我係佢個牛扒玻璃櫃，可以自己揀心頭好，有齊唔同部位，全部新鮮雪藏好靚樣～計價係按100克計，有零售價同堂食價（堂食包埋烹調費），睇中邊塊就即刻幫你煎，夠曬即興又有得玩。我哋嗌咗T Bone（星期二有半價優惠！$400 - 500），Medium煎得啱啱好，一啲都唔韌，肉質超嫩滑，咬落仲有肉汁滲出嚟，好難唔心動～每啖都有牛香，連唔太食紅肉嘅朋友都話好食！上菜時，店員仲會貼心介紹三款芥末醬搭配牛扒，辣度逐級上升。個人最鍾意中間嗰款Whole Grain Mustard，一粒粒嘅口感好有層次，微辣之餘又唔會搶味，啱晒用嚟提牛味；左邊係小辣嘅Dijon，滑身帶啲酸香；至於最右邊嘅Hot English Mustard，辣勁幾強，適合鍾意重口味嘅你！千層芝士焗薯都要瘋狂打call！即叫即焗，成盤熱辣辣，表層芝士金黃香脆，下面係一層層薯仔、火腿、忌廉汁、芝士，咬落去又creamy又鹹香，超滿足！
繼續閱讀
這間位於荃灣的【Feather & Bone】，除了是一間英式酒吧扒房外，外面還是一間設有零售肉食及雜貨店，多款牛扒、英式醬汁、意粉等可供選擇。每逢星期二T骨牛扒堂食及零售都有半價優惠，性價比高。每日亦有不同優惠。室外更有live music表演及座位，飽覽荃灣海景。法式洋蔥湯洋葱炒至焦香軟身，湯底清甜有肉汁香味，表面是焗至香脆的芝士多士。雞肉凱撒沙律羅馬生菜爽脆，灑上了煙肉、脆麵包及芝士碎，加上嫩滑雞肉，十分清新開胃。迷你漢堡漢堡包鬆軟，牛肉加上酸瓜及燒烤醬更添風味。肉醬粗館長通粉長通粉質感煙韌有咬口，肉醬佈滿在通粉的表面及粗管內，啖啖肉汁，十分開胃。海陸組合澳洲牛柳要了五成熟，表面烤至焦香，中間保留了肉汁，肉質嫩腍且味道濃郁，烤大蝦新鮮彈牙。
繼續閱讀
📍 Feather & Bone- 荃灣 門口係以超市嘅形式做零售，裏面就係一間好浪漫優雅嘅西餐廳，依家到最特別之處係牛扒可以喺出邊嘅玻璃櫃選擇，以100克計算，有堂食同埋零售嘅價錢，堂食嘅價錢包括埋烹調費用，可以揀選自己最新鮮嘅牛扒🥩平時有唔同嘅芝士亦都可以選擇，可以另外加錢有配菜😍逢星期二依度會有T Bone優惠，無論係堂食定係外賣/零售，半價優惠，大家記得星期二就快啲過嚟揀啦🩷✨ 肉醬粗管長通粉香濃番茄肉醬，酸酸地幾開胃肉醬超級濃郁，醬汁和長通粉的比例剛好，長通粉亦煮得彈牙不軟。本身睇落份量好少，但係食咗原來份量勁多🙄✨ BBQ 嫩豬肋排骨肉分離，唔會黐住啲骨，肉質細膩鬆軟，也不會死鹹，一盤有很大一塊，一塊下去已經飽得差不多，仲有下面勁多配菜嘅薯條，真係底食到傻👍價錢又合理❤️✨ 忌廉菠菜每一啖都食到濃烈豐富嘅忌廉，甜甜地👍✨ 炭烤西蘭花苗好有驚喜，炭燒完仍然保持翠綠，咬落去好清脆，有少少鹽嘅味道，好清純👍✨ 千層芝士焗薯即叫即焗，表面芝士焗到金黃香脆，中間薯仔軟糯，仲有一層層嘅忌廉汁、火腿同芝士，口感豐富！✨ 芝士通心粉邪惡分數100分💯芝士鋪滿晒喺通心粉上面，熱辣辣完全係拉絲效果，通粉食落少少彈牙！都幾過癮🧀
繼續閱讀
好差嘅服務體驗。 特別係有個女侍應冇帶眼識鏡 。成日掛住同同事傾計，又唔係講英文，同女同事傾好多野八卦咩都關佢事咁， 對客就回應慢又無禮貌⋯⋯如果感受佢哋咁特別嘅服務，可以去餐廳堂食試下。食物方面，塊牛排可以煮到咁唔Juicy ，硬到呢，可以整到咁，真係專業
繼續閱讀