Feather & Bone

營業中

休息中

📍 Feather & Bone- 荃灣 門口係以超市嘅形式做零售，裏面就係一間好浪漫優雅嘅西餐廳，依家到最特別之處係牛扒可以喺出邊嘅玻璃櫃選擇，以100克計算，有堂食同埋零售嘅價錢，堂食嘅價錢包括埋烹調費用，可以揀選自己最新鮮嘅牛扒🥩平時有唔同嘅芝士亦都可以選擇，可以另外加錢有配菜😍逢星期二依度會有T Bone優惠，無論係堂食定係外賣/零售，半價優惠，大家記得星期二就快啲過嚟揀啦🩷✨ 肉醬粗管長通粉香濃番茄肉醬，酸酸地幾開胃肉醬超級濃郁，醬汁和長通粉的比例剛好，長通粉亦煮得彈牙不軟。本身睇落份量好少，但係食咗原來份量勁多🙄✨ BBQ 嫩豬肋排骨肉分離，唔會黐住啲骨，肉質細膩鬆軟，也不會死鹹，一盤有很大一塊，一塊下去已經飽得差不多，仲有下面勁多配菜嘅薯條，真係底食到傻👍價錢又合理❤️✨ 忌廉菠菜每一啖都食到濃烈豐富嘅忌廉，甜甜地👍✨ 炭烤西蘭花苗好有驚喜，炭燒完仍然保持翠綠，咬落去好清脆，有少少鹽嘅味道，好清純👍✨ 千層芝士焗薯即叫即焗，表面芝士焗到金黃香脆，中間薯仔軟糯，仲有一層層嘅忌廉汁、火腿同芝士，口感豐富！✨ 芝士通心粉邪惡分數100分💯芝士鋪滿晒喺通心粉上面，熱辣辣完全係拉絲效

好差嘅服務體驗。 特別係有個女侍應冇帶眼識鏡 。成日掛住同同事傾計，又唔係講英文，同女同事傾好多野八卦咩都關佢事咁， 對客就回應慢又無禮貌⋯⋯如果感受佢哋咁特別嘅服務，可以去餐廳堂食試下。食物方面，塊牛排可以煮到咁唔Juicy ，硬到呢，可以整到咁，真係專業

Feather & Bone 是西式扒房，裝潢融合現代與復古風格，水晶吊燈散發柔和光線，營造優雅感覺。舒適的沙發和暈黃的燭光，增添用餐的氛圍。戶外用餐區有舒適藤椅及太陽傘，能眺望汀九橋海景，夕陽時份用餐最適合。 海陸組合378 穀飼澳洲牛扒五成熟，內裡肉質柔嫰，口感軟腍，牛脂香氣濃郁。烤虎蝦鮮香、爽彈，搭配焗芝士薯仔，入口薯蓉綿密，微微咸香，令人回味。而且，T-Bone 牛扒，星期二還有半價優惠。肉醬粗管長通粉178長通粉以澳洲免治牛肉為基底，搭配酸香濃稠的蕃茄醬汁，每口伴隨著惹味肉香。並撒上巴馬臣芝士，增添豐富的奶香，啖啖豐厚的肉醬，讓人欲罷不能。 蒜蓉蝦配烤麵包148 新鮮大蝦浸泡在蒜油中，充滿濃烈的大蒜、微辣椒香，散發誘人香氣。外脆的烤麵包，沾上蝦汁的鮮美，滋味吸引。 雞肉凱撒沙律(小) 138 爽脆的生菜，掛上鯷魚沙律醬，清新可口，配以嫩滑的水煮雞胸、流心半熟蛋，煙肉條帶來鹹香味道，口感豐富。PASSIONFRUIT PARADISE 68 特飲以熱情果為主，加上橙汁和薄荷葉，入口清爽輕盈，猶如夏日微風，餐後解膩之選。

服務方面: Book左呢間餐廳同朋友慶祝生日，佢直接將袋蛋糕拎出嚟問我哋係咪係餐廳食，無諗過一間中高價位嘅餐廳會犯呢種低級錯誤。不過其他服務都ok。食物方面，揀左件t-bone-$731 and pork steak-$161。T bone ordered for medium rare. 有啲位置有啲overcooked 變咗5成熟，不過咁大件係難處理d，都明白嘅。整體熟度都合格嘅，都值得一讚嘅。但係！！！個t bone 牛味非常之淡，淡到冇咁滯。呢個價錢，我唔expect呢個質素。另外個豬扒係比較乾同鞋。我唔岩食。其他side dish正常發揮，唔難食但都唔係特別好食。每個人口味唔同，大家自行衡量

此餐廳音樂及冷氣嘈音偏大，不適合聊天每個位置都有咕𠱸偏偏我就無選擇了一塊T骨，一塊肉眼，medium rare一份燒汁薯條肉質還可以，但太乾，一滴肉汁都無，加上冷氣凍，2塊肉已經無左味道，，脂肪都凝固左，似雪櫃拎出黎加埋一杯紅酒，一罐可樂，埋單14xx唔啱胃口，唔會再試

《薄切牛扒》 $195牛扒用咗和牛牛臀肉，黑椒煎至七成熟，口感尚算多汁，蘑菇醬汁creamy，同塊牛扒天作之合。配菜用大啡菇，感覺較薯菜更健康👍🏻（回頭指數：4/5）《班尼迪克蛋》 $155英式鬆餅鬆軟，放上大量菠菜、煙肉、同兩隻淋上荷蘭醬嘅水波蛋🥚😋（回頭指數：4/5）

先講現場環境，絕對適合大班人聚餐或情侶拍拖食晚飯，有現場歌手唱歌的餐廳不多，仲要唱得好好，仲可以點唱添。再講食物，哩間嘅sourdough烘得啱啱好，唔會好似其他咁過晒火脆到硬，而且搽咗少少牛油焗，好香但又唔會油，哩間係我暫時食過咁多間最好的一間。威靈頓我第一次食，我覺得超級好食，牛好腍好多汁，皮好脆，菇好香，係有啲貴，但因為真係好難整 我覺得值。熟成牛都好食，西冷同肉眼都試咗，都係好腍好重牛味，用炭烤好香都唔會乾，chef手勢一流。青口反而無乜特別，個汁好似有啲味精，食完有點口渴。薯條正常，好脆。最後講服務，員工very nice，但好似唔識講中文的，但menu有中文，應該不成問題

兩個人開咗一支酒，叫咗鵝肝醬包（味道唔錯），兩塊熟成牛，算係人生食過最難食嘅熟成牛，硬，乾，感覺似食緊牛肉乾，忍唔住同餐廳要求換過其中一塊，餐廳解釋熟成牛係比較乾身，但我真係從未食過牛肉乾質感的熟成牛，餐廳最後換過塊，的確冇咁難食，但絕對稱唔上好食，簡直浪費金錢同埋自己個胃，埋單人均消費$1000，絕對唔會再食，垃圾！

CP值極高嘅聖誕大餐🎄🎁🎅🏾🎄今個聖誕，我決定同屋企人喺 OP Mall 食餐好嘅😉 貪佢呢度真係有好多餐廳選擇，適合唔同嘅聚會！我今次就揀咗 Feather & Bone，呢度嘅環境，真係太靚太有氣氛啦！門口有Feather & Bone嘅雜貨店, 可以買到肉類、新鮮農產品、各種乾貨、食品同酒。行入去就係高貴優雅嘅扒房，而最入邊原來係無敵海景嘅露天雅座，有鞦韆座位，有時仲會有live Band 表演🎤勁chill 勁正呀!今次係沙膽今年第一次嘅🎄聖誕大餐, 超驚喜！因為聖誕menu，餐枱擺設已經充滿聖誕氣氛，仲有小玩意及朱古力好窩心😍🥗 開胃小吃FAB 精選小吃拼盤🥓🧀🥬🥜哇，呢個拼盤真係好豐富，有各式各樣火腿凍肉、煙燻三文魚、芝士、前菜，仲有啲乾果同堅果，份量仲非常夠👍🏻超開胃！😍🥙頭盤煙爐鱈魚配迷你薯仔沙律🥔🐟🥗鱈魚鮮味，配搭走地母雞蛋同西生菜，味道一流！🥚🥗法式鵝肝配雞肝醬🌮我最欣賞呢個鵝肝真係好奢華，搭配蜜糖核桃同烤多士，甜甜地又有層次感！🥖✨🍗 主菜傳統烤火雞🦃🎄超正！火雞肉嫩唔嚡口，配搭煙肉腸卷同傳統餡料，絕對係聖誕必食！🦃🥔澳洲草飼牛柳🥩牛柳好嫩滑，搭配 FAB 特製牛

Feather & Bone地址: 荃灣大河道100號海之戀商場地下G09號舖這家餐廳晚上有現場樂隊表演，氣氛真是棒極了！讓我在享用美食的同時也能享受音樂，真是一種絕佳的體驗！🎶🍷西班牙肉眼扒的肉質非常好，完全不會有太多筋，口感鮮嫩多汁，每一口都讓人感到滿足，非常推薦！🥩😍整體用餐體驗非常愉快，無論是環境還是食物質量都讓人感到滿意，絕對是和朋友聚餐的好地方！❤️🍽️這裡的服務也很好，工作人員熱情友好，讓我感受到賓至如歸的感覺，下次一定會再來！👍😊總的來說，這裡的美食和音樂完美結合，是個值得推薦的好地方，強烈建議大家來試試！🌟🎉

今天，朋友遠度前來荃灣，約我哋一齊食飯，專登選擇一處坐得好舒服的餐廳。我哋坐低傾左10多分鐘，服務員從不催促我哋點餐；之後用餐超過兩小時，同樣是不停幫我哋添水，餐廳環境又舒適，是非常適合聚會的好地點。因掛住傾偈，唔記得影吃的主菜🫣平日有午市套餐，有$158/$188/$208，前菜三選一（蕃茄芝士烤酸種麵包/雜菜沙律/蕃茄濃湯配蒜蓉法包），很多款主菜選擇，包飲品一杯（凍檸檬茶/茶/可樂/咖啡/青檸梳打），主菜我哋選擇了炸魚薯條及羊肉餡餅：🌼 炸魚薯條$188黑線鱈魚炸得好香脆，薯條就一般🌼 牧羊人羊肉餡餅$188羊肉餡餅面頭鋪滿了薯蓉，羊肉好酥🌼 Tiramisu$48 Family style- 店員不了一大舊Tiramisu，基本上足夠二人享用，好好味😋🌼Flat white 咖啡好飲😋

可惜點餐困難，佢講中文佢話唔識，一定要我用英文同佢溝通，如果你喺外國，係冇問題，但係你嚟當地做生意，呢啲算係咩堅持？一個唔識都唔緊要，佢再搵一個過嚟服務，都係唔識，都係要我用英文同佢講嘢 。今時今日唔通我唔識講英文好大問題唔配嚟幫襯？一間舖頭你唔係應該要最少搵一個可以服務到當地人嘅服務員嘅咩，都唔要求多 。使用英文服務係咪代表會高級啲？比完錢之後都係唔開心嘅，唔會再去 。因為今時今日同樣性價比同樣好食嘅舖頭仲有好多，我可以唔打呢段嘢，但我覺得真係好無謂 。

5/10/2024(六)同朋友相約到荃灣海之戀Lunch。行到厘間時，本身以為係雜貨凍肉店，入到去原來係扒房餐廳嚟，好有驚喜，於是book定中午時間及要指定座位。有室內及户外，而户外有木鞦韆，幾特別，亦可望到海景，環境唔錯。因天氣仲有啲熱，所以揀左室內梳化位置，亦有bar枱，每張椅都有咭的，好舒服餐牌:經典牛扒配薯條$328叫左well down,切到中心位都唔硬綠葉沙律$68清新，翠綠，健康之選

同屋企人食飯， 梗係要揀間好嘅餐廳， 喺海之戀有間個樣都幾高級嘅西餐廳， 個樣都幾吸引， 就入咗去。 餐廳環境好舒服， 好有格調， 枱放得好闊落， 店員態度都好親切， 係一間好識合慶祝嘅餐廳，氣氛相當好 呢間餐廳食物種類好多， 主打有牛排，可以係櫃枱揀你想要既部位同份量，，岩哂有要求既你😉 另外，餐廳仲有好多西餐既選擇，我地就揀左幾樣，有沙律， 白酒煮青口。份量都好多，好清新， 青口好新鮮， 好滿足。 主角牛排都唔錯， 五成熟， 煎得好粉嫩，食完好想再叫多一份。 總括來說， 想食餐優質既西餐同chill 下，可以揀呢間咁有氣氛既餐廳!

今日黎海之戀，行下街，諗緊睇下有咩食。經過見到Feather and Bone, 就諗住咁耐冇食, 就試下。個內室環境都唔錯, 幾星期日幾Chill 下。好，個差評係比食物既。真係好普通，什至難食服務同埋環境都滿意。野食就真係差叫左三個Lunch 1） 簿切牛扒。味道十分中規中矩，冇乜投訴，但差唔多接近二百蚊, 牛扒好細塊, 又冇包又冇湯又冇side, 咁就唔超值啦2） 肉醬粗管長通粉個味道又好正常，但係個通粉好硬，麵粉好似未煮熟咁，好難咬。另外，份量好細碟。見到廚師其實都係喺個真空袋度到，將啲一早煮好嘅肉醬直接倒出嚟，其實都冇乜廚藝可言，竟然連通粉都煮得咁硬3） pizza最難食喺呢樣。pizza上面嘅蕃茄醬同芝士勁多但係勁稀勁水。食每一啖都好似將啲好水既茄醬同芝士倒入個口度。