楚撚記大排檔

營業中

休息中

今日嚟到荃灣楚撚記食飯，我地首先叫咗「杞子龍眼菊花蜜」，飲落去有好濃嘅龍眼肉味😋然後慢慢滲出菊茶嘅味道，感覺上好清新，係好值得推薦比大家嘅飲品，價錢較便宜，仲好足料添😍食物方面，我地叫咗啫啫滑雞煲，佢啲雞真係好嫩滑，豬膶仲好嫩，絕對無過火候，啲汁偏甜，如果餸飯食真係一流👍🏻 份量亦都好多，對於個價錢來講係十分之抵食，一定食過番尋味👍🏻🤤 之後我地叫咗份秘製辣酒煮花螺，花螺份量好多，而且每一隻都啖啖肉❤️配埋秘製嘅辣酒係十分之夾，係好醒胃嘅菜色😛 呢個菜色不單止有花螺，仲有蘿蔔，佢個蘿蔔仲要好甜，同埋吸晒啲汁😋😋咬落去完全唔會太乾。如果中意食辣嘅朋友值得一試👍🏻 然後我地仲叫咗個楚撚豬油撈飯，呢個飯係可以因應個人需要，自己加豬油及豉油，如果喜歡食濃味嘅朋友，可以自己落適合自己嘅份量🤤 豬油嘅味道幾重，配任何餸菜都好適合，豉油唔係偏鹹嘅豉油，食落去甜甜地，不過搶過豬油嘅味道，整體來講係十分之正😆👍🏻 最後，店員仲送咗份熱嘅蕃薯糖水😆 蕃薯好甜，咬落去仲好嫩，唔會過火候煮得太爛，咬落去仲好有口感🤤 同埋個糖水甜度適中，唔會太淡或太甜，薑味亦好濃～ 嚟開荃灣嘅話不妨試下楚撚記～同埋記得早啲去攞位