翠園 (星光行)

營業中

休息中

去左尖沙咀星光行嘅翠園食飯，見佢推出左全新「適時識食」新菜式～以當造嘅優質蔬果漁產，炮製出一系列粵式時令美食，夠曬fresh~🔸豉蒜涼瓜炆鱔球用咗本地農場出產嘅涼瓜，清熱解毒，仲加入肥美肉厚嘅鰻魚、豆豉同蒜頭爆炒！夠曬惹味😋🔸珊瑚蚌啫啫竹節菜時令嘅爽脆水通菜，配合埋高膠原蛋白嘅珊瑚蚌、蝦醬一齊炒，鹹香惹味又有益🥰🔸醬撈手撕土家雞清甜爽口嘅青瓜絲、甘筍絲，撈埋手拆走地雞絲，仲有少少芥辣味，估唔到甘夾👍🏻清爽開胃，老少咸宜！🔸珍珠蠔浸銀蘿潮州珍珠蠔有滋陰養血嘅作用，仲有清甜嘅白蘿蔔條、豬肉碎等煮至入味，仲有少少魚露既鮮甜味，清甜唔油膩！