影片
更多
2019-08-19
327 瀏覽
依家坊間都有好多間餐廳主打食海鮮但海鮮要好食最緊要係要新鮮依排聽到有朋友介紹依間既蒸氣海鮮火鍋所以琴日同朋友book左枱去嘗鮮一下🥰今次試左佢個398蚊餐 除左餐之外 其實都可以散叫但我覺得叫套餐價錢係比較平有一樣值得稱讚嘅係侍應都非常之熱心會有詳盡咁同我地介紹佢哋海鮮嘅來源同埋唔同品種之間既唔同👍🏻 一開始先黎蒸新鮮蠔 鮑魚 貴妃蚌 龍躉肉 同埋 蜆肉 店員會幫你set好timer 令到蒸出黎嘅海鮮唔會過熟食得出全部都勁新鮮 一啲腥味都唔會好鮑魚好爽口 貴妃蚌鮮味十足好鮮甜之後就上左象拔蚌刺身勁大份 完全唔似係比兩個人嘅份量🙈Wasabi係佢哋自己新鮮磨出嚟😱點豉油嚟食好爽嫩鮮甜！然後上埋主角 琵琶龍蝦同埋膏蟹🥺❤️聽職員話因為老闆係做批發生意嘅所以拎到好嘅海鮮會首先拎嚟店入邊唔怪得質素會咁好😨琵琶龍蝦食粒大大啖肉 蒸得啱啱好 食落爽口彈牙 平時唔食蝦膏嘅我都試左一下一啲都唔會腥而越南膏蟹真係勁勁勁誇張點解可以成隻都係膏黎🥺❤️一啖膏一啖肉咁食真係天堂級享受食完之後七份飽左點知唔記得左原來仲有個粥底未食食埋包含滿滿海鮮精華嘅粥真係勁飽又勁滿足😂🙈總括而言真係勁抵食！覺得就算自己出去買海鮮
但海鮮要好食最緊要係要新鮮
依排聽到有朋友介紹依間既蒸氣海鮮火鍋
所以琴日同朋友book左枱去嘗鮮一下🥰
今次試左佢個398蚊餐
除左餐之外 其實都可以散叫
但我覺得叫套餐價錢係比較平
有一樣值得稱讚嘅係侍應都非常之熱心
會有詳盡咁同我地介紹佢哋海鮮嘅來源同埋唔同品種之間既唔同👍🏻
一開始先黎蒸新鮮蠔 鮑魚 貴妃蚌 龍躉肉 同埋 蜆肉
店員會幫你set好timer 令到蒸出黎嘅海鮮唔會過熟
食得出全部都勁新鮮 一啲腥味都唔會好
鮑魚好爽口 貴妃蚌鮮味十足好鮮甜
之後就上左象拔蚌刺身
勁大份 完全唔似係比兩個人嘅份量🙈
Wasabi係佢哋自己新鮮磨出嚟😱
點豉油嚟食好爽嫩鮮甜！
然後上埋主角 琵琶龍蝦同埋膏蟹🥺❤️
聽職員話因為老闆係做批發生意嘅
所以拎到好嘅海鮮會首先拎嚟店入邊
唔怪得質素會咁好😨
琵琶龍蝦食粒大大啖肉
蒸得啱啱好 食落爽口彈牙
平時唔食蝦膏嘅我都試左一下
一啲都唔會腥
而越南膏蟹真係勁勁勁誇張
點解可以成隻都係膏黎🥺❤️
一啖膏一啖肉咁食真係天堂級享受
食完之後七份飽左
點知唔記得左原來仲有個粥底未食
食埋包含滿滿海鮮精華嘅粥
真係勁飽又勁滿足😂🙈
總括而言真係勁抵食！
覺得就算自己出去買海鮮嚟整都一定唔只呢個價🙈
加上服務態度又好 樣樣野都有職員幫手
完全可以做一個廢青擘大口就有得食😂🤣🤣🤣
下次要再試下佢498同698啲餐先得❤️
張貼
