蝦蝦燒 (已結業)

朋友之前見到我去佐敦個間好恨食😆 我就帶咗佢去近佢嘅荃灣分店試吓。 分店都一樣咁大間，放滿哂游水蝦嘅水缸，見到就興奮😋旁邊有一個海鮮檔，放滿咗好多款新鮮海產，蠔🦪、象拔蚌、帶子、帆立貝、魚🐟、鮑魚都有😍 勁多‼️亦有好多肉類、串燒、蔬菜、瓜果，有啲仲已經用竹籤插好，好方便。我勁鍾意佢啲金菇牛肉卷串、翠肉瓜串、牛柳粒串、原條燒茄子等😌 而每枱仲會送一碟鰻魚串，厚肉多汁，勁好味另外仲有熟食，辣酒煮花螺、炸物、咖哩魚蛋、烚菜😍等。 當然有多款口味嘅雪糕🍦至於重頭戲～～游水蝦～～ 我哋可以自由捉蝦，不過捉都唔易㗎，因為隻隻都好生猛。 當然生猛嘅都係特別好食😋 多膏、蝦肉鮮甜彈牙🥰 食到唔停口㗎！