船渦

營業中

休息中

臨近聖誕就約閨蜜去銅鑼灣行街食飯，行到累累地就搵間餐廳坐，黎到呢間餐廳就入黎試下啦。我地叫左兩個套餐，一個係九品芝麻套餐一人份量，呢道係一人一蒸鍋，有好多不同既海鮮，非常新鮮，上桌全部都係生既，重識跳下跳下。蒸既時間有指引，可以跟住黎蒸，時間岩岩好就食得，口感一流，而且非常新鮮。世界級享受。呢個套餐我地選左美國肥牛同咪豚肉，米線底，食完可以用個湯底煮黎食，所有海鮮既精華都係曬個湯底道，呢種食法我都係第一次食到，非常新奇。另一款係內務總管套餐一人份量，各色各樣既海鮮都有，呢個比之前個套餐多左半隻大螃蟹🦀️，重有多左隻元貝。一樣都係好新鮮，值得一試，隻蟹好多膏。呢個就選左粥底，真係好鮮甜，所有精華都係曬道，一啲都唔會曬左。另外重有兩款小食係沙律醬炸雞，點咪醬食真係好野味，味道更加提升。我個人十分喜愛。另一個小食係墨魚燒，墨魚非常彈牙，真心好味。最黎重有兩個甜品糯米糍，我地就選左芒果同香芋口味，非常滿足。