醉胡爐 (已搬遷) 新店位置

胡蘆12道牛盛盒：一口氣食盡牛的幾乎所有部位，最適合四人喜愛食牛，每一個精緻的部位都有4份，分別有腩肋條、牛白肉、牛舌、池板、封門柳、牛頸脊、安格斯、飛驒和牛、坑抓、紅酒浸牛、邊抓、牛展，無論擺盤、味道都整合得恰到好處，令人一試難忘！期間限定醉八仙鍋：哇哇哇⋯⋯火鍋湯底極緻境界！一個高質火鍋的開始就是有高質的食材，八種海鮮包括有龍蝦、鮑魚、貝殼、魷魚、海參等等，店員把海鮮炒兩炒後加入酒，散發海鮮香味之後，加入秘製龍蝦湯，火鍋滾便可以先喝原汁原味海鮮湯，所有人都比1000分味蕾爆燈！手打丸、手工餃、即叫即製脆炸紫菜響鈴，這些都是慎店菜式，所有丸類入口彈牙，用料高質。餃子款式多樣，包括有水餃、芫荽牛肉餃子等等任君選擇，皮薄餡靚。紫菜響鈴冇得輸，既可以不放湯立即食，鬆脆非常。又可以放湯1秒吸收海鮮湯汁。