蝦蝦燒

營業中

休息中

同朋友嚟到佐敦嘅蝦蝦燒，餐廳地方非常大，一入到去已經超多人係到燒緊，好熱鬧!我同朋友兩個都超級鍾意食海鮮，所以第一輪都主攻食海鮮，任食真係好鬼爽！一開始會送一條肥美饅魚比你，燒到皮脆肉嫩就一流啦!每張枱隔離都有個水缸，養住啲流水蝦啲蝦都好生猛幾大隻，要夾完啲蝦放入冰桶度，大約幾分鐘，整暈佢，之後就可以燒喇 唔好睇少呢個燒烤爐，火力十足，好快就熟，而且有上下兩層，一邊燒一邊食，幾乎食唔切。另外值得一讚，店員會不停幫你倒曬D海鮮殼，又會教你要起殼先燒鮑魚，餐廳抽油煙都做得非常好。呢度仲有個好大既海鮮檔，有鮑魚、帶子、貴妃蚌、生蠔、扇貝、大蜆！除咗蝦之外，仲有好多食物嘅選擇俾你燒，例如海鮮、丸、菜類等等，緊有一款啱你口味。其他食物就串好曬一串串俾你燒，平時去BBQ燒既呢度基本上都會有。飲品選擇好多，有啤酒汽水。甜品就有雪糕，不過我既甜品就係燒菠蘿，超級多汁啊!