蝦蝦燒 (已結業)

今日同朋友慶祝生日 因為佢超級鍾意食海鮮所以我哋就book咗位於荃灣大鴻輝嘅呢間哈哈燒到食流水蝦放題啦 建議預先book位 因為真係非常爆滿 晚飯時間嚟到已經全場爆滿 幾乎每個座位隔離都有流水蝦道 隻隻游水新鮮大頭蝦都非常生猛 即夾即燒真係超好玩呀 流水大頭蝦好多蝦膏 而且肉質鮮甜彈牙 新鮮真係唔同啲 除此之外仲有好多熟食 例如鹽燒大頭蝦 蒜蓉西蘭花 滷味 等等 都係任食 點少得燒烤材料呀 有安格斯牛仔骨 咖哩魷魚 等等都係任燒任食重點係巨型海鮮櫃 有鮑魚 原條烏頭 帶子 生蠔等 真係超級豐富 回本話咁易喇