鍋心粥底火鍋 (順寧道)

營業中

休息中

夜晚8點幾黎到，大人二百，小童一百，好多野食，食到好飽。餐廳建議食咗海鮮先至食肉，多寶魚就咁烚有啲腥。依個幾新鮮彈牙。仲有啲海鮮類，鮑魚、生蠔等唔錯。蝦上菜嘅時候仲識得郁嘅，十分爽口彈牙。呢啲係自選嘅餸菜，點左啲丸、餃子，可以揀十一樣。芋頭南瓜粟米係最尾煲粥用嘅。啲豬肉、牛肉都好新鮮。我覺得價錢都算幾平，特別係兒童餐，可以揀三種海鮮加六樣火鍋配料。火鍋配料就冇乜特別嘅，不過鍋心應該主打新鮮海鮮，最尾真係好飽，加咗豬油渣嘅南瓜粥都幾好食，但都係食唔晒。