埠 (已結業)

通常有海境既餐廳大多數都淨係會諗到尖沙咀灣仔中環呢d地方但係比連遠既東面港島東都有個隱世既海影地方一邊欣賞海景一邊食午餐。係西灣河碼頭叫埠既日式餐廳位置當眼一睇就會好容易揾到，外觀簡潔水裏地方雖然唔算太大但都有一間獨立房比一班朋友聚會。午餐簡而精唔係單一品係日式全full set今次就點左鐵板安格斯牛扒前菜有小碟分別係薯仔沙律同青瓜，青瓜旁邊有少少味噌醬點咸咸甜甜咁幾開胃。主菜安格斯牛扒厚塊切開上係鐵板上熱辣辣又保持住牛肉温度，牛扒岩岩好7成熟入口仲帶少少軟淋唔會熟晒令到d肉好實又難咬。牛扒面上鋪滿晒葱同炸蒜片令到牛肉帶點香蒜味又多左重香味又口感脆口，咁大份一個人食連埋餐既白飯同味噌湯已經好滿足。最後仲有甜品，甜品上菜都好有誠意泡芙面上灑上糖粉內裏充滿吉士醬甜得黎又唔會過膩。