莆田 (PopCorn 2)

營業中

休息中

莆田咁多間分店，一直都好想試下，最近襯佢地做緊海蟶節推廣就黎試下。海蟶有九種唔同既食法，叫兩道仲有優惠價都幾抵食。海蟶兩食 $219/2道蒜蓉蒸海蟶估唔到優惠左個份量都仲咁多，海蟶鮮甜爽口，加埋上面鋪滿蒜蓉，十分香口。椒鹽哆頭蟶椒鹽味唔算好出，反而咁樣保留到海蟶本身既鮮甜，外層炸得酥脆，炸粉唔會太厚，同蒜蓉蒸又係另一種感覺。鹹香黃花魚 $88一食落去黃花魚炸得好脆，最正係連d骨都炸到可以食埋，肉質勁嫩滑，好香魚味，然後花椒既香味慢慢散出黎，呢個我覺得一定要試。芥蘭豆皮 $88豆皮有煎過先再炒，芥蘭都煮得幾好，味道偏淡少少。福建海鮮滷麵 $118麵既份量都幾多，軟硬既程度岩岩好，兩個人都可以每人分到兩碗，用料十足，有蜆，海蟶，超多海鮮，款款都幾新鮮。椒鹽豬手 $96(2人)平時食豬手多數都係德國豬手多，今次試呢隻椒鹽豬手竟然外皮香脆，食落唔會油膩，充滿骨膠原，椒鹽既調味恰到好處，好好食。