一生懸麵

營業中

休息中

今日係平日，我大約夜晚6點到🕕，店入面得兩三枱客，唔洗等位就入得🫣。每張空枱上面已經放左2張點餐紙同1支筆喺度。我之前同朋友黎過一次，果次我就食海老沾麵🍜，湯底係好食嘅，不過因為我食唔慣沾麵，所以我覺得麻麻地，冇網上講到咁好食😬。今次我就食海老拉麵（$88），麵質揀左較柔。落單5分鐘後就上枱，好快手🤣。碗拉麵有半隻唐心蛋🥚，2塊豚肉，同好多櫻花蝦鋪喺上面。飲左一啖湯底，熱辣辣，蝦味好濃郁🦐，好正！拉麵都好掛湯，每啖都好滿足🥰。份量我覺得啱啱好，食完一碗已經飽飽地🤰🏻，所以試唔到啲小食🤧。同埋佢地冇收加一😆，所以服務方面就冇乜特別啦。