The Farmhouse 咖啡廳 (裝修中)

The Farmhouse既自助餐一向評價都唔錯，今次去到食佢地既自助晚餐，環境寬敞舒適，而且仲望住北角碼頭海景，感覺好浪漫💞一開始已經好吸引既係源源不絕既冰鎮海鮮🦀🦐同即切刺身，K最愛滿滿蟹膏既麵包蟹同大大隻既蝦😋幾鮮味～沙律前菜有各式凍肉、煙三文魚等，仲有比較少見、即製既水牛芝士蕃茄沙律😋，連泰式青木瓜沙律同凱撒沙律都由專人幫忙製作，方便又整潔🙌熱食區係另一邊，有即場火炙既焗龍蝦、焗蠔；烤豬腩卷面層夠脆身、肉質細軟又juicy～仲有大大串既烤雞肉串、烤豬肉串同埋中東烤羊架🍖🍗另外亦有中式點心、燒味、印度薄餅配咖哩；潮州鹵水拼盤等～個鹵水溏心蛋正正子😚而港式麵檔同即煮黑松露蘑菇醬意大利粉亦值得一試😋記得記得留肚食甜品😍一黎到已經比佢地既旋轉雪糕櫃吸引住🎉薑撞奶、tiramisu等既口味幾有特色～仲有即製既雜莓芝士拿破崙，酥脆滋味😋上面加有各式水果，包括無花果、藍莓、紅桑子等，味道亦清爽～☺另外K幾鍾意烤至外脆內濕潤既焗朱古力布丁，濃厚既朱古力美味😍仲有由泡芙組裝成既法式聖安娜蛋糕～同埋今次去仲有一啲聖誕主題既甜品，好似經典聖誕果子麵包、意大利水果麵包等，質素亦唔錯～