張公館

營業中

休息中

同老公去了位於樓高29/F的中菜館，望住維港海景靚view 食點心真心加分，點心係酒樓自己師傅做，唔會好似出面有啲點心店味道咁一式一樣。環境靚食物亦高水準，特別喜歡佢地茶壺🫖有用小爐保持住溫度。🔶濃蝦湯海皇餃濃郁的蝦湯鮮甜美味，海皇餃入面有瑤柱、帶子、魚肉、蝦肉、魚翅等很足料。🔶蟹籽麻辣燒賣加左麻辣味嘅燒賣幾特別，豬肉跟蝦肉比例適合，食落彈牙又唔會好辣幾惹味。🔶脆脆笑哈哈又薄又滑的腸粉皮包住薄脆加鮮蝦肉，蝦肉新鮮爽口，口感豐富美味。🔶椰菜長春卷春卷外皮炸得好香脆，食落脆卜卜很香口，仲配搭了西芹條，清新健康中和了炸物的油膩感。🔶鮑汁腐皮卷鮑汁味幾香，腐皮卷饀料飽滿。