影片
更多
2022-07-24
2246 瀏覽
想試下啲少食嘅日本野，今次就去左食壽喜燒🍲今次揀左東京米芝蓮一星過江龍日山🌟▪️日山連續十年獲得米芝蓮一星級，對佢地嘅食物超級有信心😍食之前個幾日更加係十萬個期待😍▪️餐廳好爆場，想食記得一定要早啲book定位，今次我都早左成一個月，喺開放7月訂位個位就即刻打電話打去book定，網上book位顯示冇位，但其實打電話去係有位，建議打電話去訂位▪️晚飯用膳時間分左兩個時段：6:00pm & 8:15pm，成餐飯食足兩個鐘，逐度菜上菜，等客人可以慢慢品嚐每度菜😋亦都確保每度菜可以新鮮送到客人口中❤️▪️海港城呢個對正個海，入面裝修好有日系竹林feel，環境一流😍▪️店員服務態度好好，上每度菜都會好詳細咁介紹食法、食材同來源晚餐有三個套餐：梅🌸竹🎋松🎍，最後我地叫左梅🌸竹🎋竹🎋 $𝟵𝟵𝟴🍡季節前菜三品盛木魚茄子、車厘茄啫喱、和牛粒啫喱帶酒味，入面加入酸酸甜甜嘅車厘茄好特別！🍣A5和牛壽司三點盛拖羅壽司、和牛海膽壽司、和牛配松露鵝肝壽司拖羅壽司－壽司飯本身已經混入廚師特製醬汁，唔洗點豉油已經好夠味和牛海膽壽司－鬆軟嫩滑嘅和牛包實個壽司飯再配上海膽嘅鮮味，一大滿足😍和牛配松露鵝肝壽司－松露味好突出，鵝肝煎香後
想試下啲少食嘅日本野，今次就去左食壽喜燒🍲今次揀左東京米芝蓮一星過江龍日山🌟
▪️日山連續十年獲得米芝蓮一星級，對佢地嘅食物超級有信心😍食之前個幾日更加係十萬個期待😍
▪️餐廳好爆場，想食記得一定要早啲book定位，今次我都早左成一個月，喺開放7月訂位個位就即刻打電話打去book定，網上book位顯示冇位，但其實打電話去係有位，建議打電話去訂位
▪️晚飯用膳時間分左兩個時段：6:00pm & 8:15pm，成餐飯食足兩個鐘，逐度菜上菜，等客人可以慢慢品嚐每度菜😋亦都確保每度菜可以新鮮送到客人口中❤️
▪️海港城呢個對正個海，入面裝修好有日系竹林feel，環境一流😍
▪️店員服務態度好好，上每度菜都會好詳細咁介紹食法、食材同來源
晚餐有三個套餐：梅🌸竹🎋松🎍，最後我地叫左梅🌸竹🎋
竹🎋 $𝟵𝟵𝟴
🍡季節前菜三品盛
木魚茄子、車厘茄啫喱、和牛粒
啫喱帶酒味，入面加入酸酸甜甜嘅車厘茄好特別！
🍣A5和牛壽司三點盛
拖羅壽司、和牛海膽壽司、和牛配松露鵝肝壽司
拖羅壽司－壽司飯本身已經混入廚師特製醬汁，唔洗點豉油已經好夠味
和牛海膽壽司－鬆軟嫩滑嘅和牛包實個壽司飯再配上海膽嘅鮮味，一大滿足😍
和牛配松露鵝肝壽司－松露味好突出，鵝肝煎香後油香出哂嚟，食菇充斥整個口腔，成舊壽司口感豐富😋
🍱季節魚料理
用上鯛魚配上海蝦同當造嘅嘅瓜，鯛魚面頭輕輕燒過，口感實淨肉質鮮味，去哂骨可以大啖大啖食🤤
🍲西冷A5和牛2片
到最期待嘅壽喜燒環節，店員會先拎和牛比我地影下相先拎去煮，因為呢到嘅壽喜燒唔會喺我地面前煮，要由店員拎到旁邊煮完再上菜，雖然唔喺係我地面前煮，但一樣可以遠遠咁望住佢地煮🫕
第一片和牛配上蛋汁、豆腐同大蔥
和牛好大塊，雪花紋好多，油脂分佈均勻，肉質口感嫩滑綿密，入口溶化，配埋蛋汁和牛更加係唔洗多加咀嚼已經滑入喉嚨🤤
第二片和牛配上冬菇、蒟蒻絲、洋蔥同荷蘭豆
和牛加入壽喜燒汁，令牛味更突出，伴碟嘅洋蔥同菇都額外鮮味🤤蒟蒻絲更加係爽口入味
🍚可以揀配飯＋味噌湯／稻庭烏冬
用蛋汁撈白飯再配和牛一樣好味，白飯索哂啲汁一啖飯一啖餸超滿足😍
稻庭烏冬配上豬骨湯底，稻庭烏冬幼細，湯底香濃呈奶白色😋
甜品
用左同一集團Camellia嘅抹茶卷蛋，入面嘅抹茶忌廉濃濃抹茶味，帶回甘，細細個但係有驚喜😋幾鐘意伴碟嘅花生脆餅🥨
梅🌸 $𝟳𝟯𝟴
兩個餐分別在於梅🌸嘅和牛特選部位用上3片肩胛肉
雖然係肩胛，但口感一樣柔嫩，油脂味比牛味更重🤤
🍲海鱸魚西京燒 $308
另外加左條魚，外層煎到帶微焦，口感脆脆地加埋沙律醬好好味😋
魚肉質地柔軟嫩滑不帶骨，有鮮味😋
成餐飯令人回味無窮，由環境、食物、服務都係一種高級享受🥰本身以為食幾片肉唔會夠飽，點知都幾飽🤰🏻
建議大家去海港城分店，可以用$100dining coupon，食夠$1000可以慳$500十分抵食！
張貼
