更多
2024-03-12
44 瀏覽
今日朋友帶我去K11 Musea食飯,佢話有間西餐廳望到海景都幾舒服,去到之後發現真係景觀開揚座位都闊落✨可以揀食鐵板燒或者西日料理,今次我哋就揀咗試佢嘅西日tasting menu☀️*Tasting Menu$728pp*🍅酒漬車厘茄配白酒啫喱好清新係為咗之後食其他食品清一清口腔。💫一口和牛他他和牛他他下面有一小塊魷魚片,食落有香脆口感。🍤燕麥炸蝦燕麥做脆漿增加咗口感,不過略嫌蝦肉唔夠彈牙。🍀北海道帶子香煎北海道帶子再配上日本南瓜蓉一齊食,可以食得出鮮甜。🌽粟米忌廉湯粟米好甜,忌廉湯偏鹹咗少少但係都有好濃嘅口感。🍝海膽蟹肉忌廉汁扁意粉香濃嘅忌廉汁撈埋蟹肉上面,再加上海膽,三樣嘢一齊食口感好有層次濃郁。🍖青森蘋果烤乳豬乳豬烤得外脆內軟,油分感比較重,似係西班牙烤乳豬嘅方式,配上南高梅醬酸酸哋啱啱中和油膩感。自家製山藥煎餅本身其實冇乜味,但係配上濃味嘅乳豬就啱啱好。
今日朋友帶我去K11 Musea食飯,佢話有間西餐廳望到海景都幾舒服,去到之後發現真係景觀開揚座位都闊落✨可以揀食鐵板燒或者西日料理,今次我哋就揀咗試佢嘅西日tasting menu☀️
*Tasting Menu
$728pp*
🍅酒漬車厘茄配白酒啫喱
好清新係為咗之後食其他食品清一清口腔。
💫一口和牛他他
和牛他他下面有一小塊魷魚片,食落有香脆口感。
🍤燕麥炸蝦
燕麥做脆漿增加咗口感,不過略嫌蝦肉唔夠彈牙。
🍀北海道帶子
香煎北海道帶子再配上日本南瓜蓉一齊食,可以食得出鮮甜。
🌽粟米忌廉湯
粟米好甜,忌廉湯偏鹹咗少少但係都有好濃嘅口感。
🍝海膽蟹肉忌廉汁扁意粉
香濃嘅忌廉汁撈埋蟹肉上面,再加上海膽,三樣嘢一齊食口感好有層次濃郁。
🍖青森蘋果烤乳豬
乳豬烤得外脆內軟,油分感比較重,似係西班牙烤乳豬嘅方式,配上南高梅醬酸酸哋啱啱中和油膩感。自家製山藥煎餅本身其實冇乜味,但係配上濃味嘅乳豬就啱啱好。
張貼