影片
更多
2016-06-27
835 瀏覽
適逢同男友38個月紀念日，佢帶我嚟到呢個好評如潮嘅風景西餐廳試試。果然一上到19樓呢度，眼廉下除咗有附近嘅樓景睇下之外，遠處仲有海景。下午6點半坐底，算係睇到日落到夜晚，讚！呢家餐廳話事人Eddy 喺酒店同馬會做過㕑，而餐廳桌上嘅餐碟餐具擺設感覺都華麗，我喜愛呢度嘅酒紅色餐巾，覺得可以為餐廳格調升lv.！情侶可以坐喺窗邊食晚飯，夠浪漫。Set dinner $498都算唔錯，有1款凍食，1個湯，3個前菜，一個甜品，有埋餐飲就好嘞！凍食叫咗個海螺洋蔥沙律，螺肉夠咬口，切開細細舊方便食，而且都有好幾粒，配埋沙律菜夠清新。呢個黑松露蘑菇湯一上枱就好香。食到一粒粒菇菌，夠味，杰身多少少較好。再嚟前菜三寶，不得了，前菜通常得一款，而家可以一次過食三款，唔洗揀！呢個黑松露年糕坊間好少食到，無味嘅上海年糕加上黑松露湯汁同蘑菇一齊食，係一個中西fusion food, 係唔會唔好食嘅新嘗試。咖哩蟹肉配熱脆麵包呢，啲咖哩蟹肉汁滿滿咁淋咗上去啲麵包度，清楚睇到一絲絲嘅蟹肉舖面，而麵包唔會一早被浸過軟，不坊切細細舊包，然後四邊浸滿汁。放心，夠汁任你點。凈係食主菜邊夠飽，叫多咗碟香蒜生燒大蝦，差唔多手掌咁大隻
呢家餐廳話事人Eddy 喺酒店同馬會做過㕑，而餐廳桌上嘅餐碟餐具擺設感覺都華麗，我喜愛呢度嘅酒紅色餐巾，覺得可以為餐廳格調升lv.！情侶可以坐喺窗邊食晚飯，夠浪漫。
Set dinner $498都算唔錯，有1款凍食，1個湯，3個前菜，一個甜品，有埋餐飲就好嘞！
凍食叫咗個海螺洋蔥沙律，螺肉夠咬口，切開細細舊方便食，而且都有好幾粒，配埋沙律菜夠清新。
呢個黑松露蘑菇湯一上枱就好香。食到一粒粒菇菌，夠味，杰身多少少較好。
再嚟前菜三寶，不得了，前菜通常得一款，而家可以一次過食三款，唔洗揀！呢個黑松露年糕坊間好少食到，無味嘅上海年糕加上黑松露湯汁同蘑菇一齊食，係一個中西fusion food, 係唔會唔好食嘅新嘗試。
咖哩蟹肉配熱脆麵包呢，啲咖哩蟹肉汁滿滿咁淋咗上去啲麵包度，清楚睇到一絲絲嘅蟹肉舖面，而麵包唔會一早被浸過軟，不坊切細細舊包，然後四邊浸滿汁。放心，夠汁任你點。
凈係食主菜邊夠飽，叫多咗碟香蒜生燒大蝦，差唔多手掌咁大隻大蝦，開咗邊放滿焦香咗嘅蒜蓉，蝦嘅肉質夠彈牙，啖啖大啖肉，一個人要霸晒一隻先滿足！
再點咗燒法國原隻春雞，夠香夠大份，最喜歡薯菜部份加入咗紫蕃薯蓉，無根無雜質，creamy好滑。
食到飽飽，都依然要點甜品。叫咗個美國醇朱古力蛋糕，畫碟夠簡約精緻，放上超濃朱古力味，唔太甜。
張貼
