影片
更多
2022-11-21
38 瀏覽
相比銅鑼灣，一站之隔嘅天后一帶好似比較寧靜，食肆都特別有格調，坐得特別舒服🍃今次就去到亨環。天后頂樓嘅宴。鐵板燒，坐擁無敵避風塘海景🌊食飽飯仲可以出露台影下相，好chill👏🏻佢哋嘅鐵板燒套餐價錢好相宜，$398就有超級豐富嘅lunch set，好啱慶祝🎉呢日隔離枱就係嚟慶祝anniversary架啦❤️廚師們都好風趣🤣🤣季節前菜－鮟鱇魚肝多士配奈良西瓜漬非常有特色嘅前菜，creamy帶濃郁甘香味嘅鮟鱇魚肝配以脆卜卜多士，面頭仲有微酸嘅西瓜漬🍉作為開頭幾滿足😋😋季節刺身－深海池魚、深海池魚腩、鳥取縣赤身3款刺身各有特色，兩款唔同部位嘅池魚爽彈，赤身鮮甜😽本日精選壽司－池魚、右口魚邊池魚壽司配薑蔥蓉帶少許香口感覺😛右口魚邊面頭燒得剛好，入口食到油脂感之餘仲保留刺身本身有一定厚度嘅彈牙口感。香草牛油帆立貝北海道帶子配自家製三文魚子🐟廚師叮囑要飲埋下面嘅湯，驚喜地係濃郁鮮甜嘅龍蝦湯味🦞🤩🤩三文魚子嘅鹹香正好點綴非常鮮甜煎至半生熟嘅帶子。野生大虎蝦蝦肉好彈牙鮮味😙蝦頭一定要啜得乾淨，食到唔少甘香蝦膏🥰香煎鵝肝伴藍莓醬鵝肝都煎得好靚，有焦香，油香豐腴。米國頂級牛肉薄燒同厚燒兩款都有試，厚燒就有咬口
季節前菜－鮟鱇魚肝多士配奈良西瓜漬
非常有特色嘅前菜，creamy帶濃郁甘香味嘅鮟鱇魚肝配以脆卜卜多士，面頭仲有微酸嘅西瓜漬🍉作為開頭幾滿足😋😋
季節刺身－深海池魚、深海池魚腩、鳥取縣赤身
3款刺身各有特色，兩款唔同部位嘅池魚爽彈，赤身鮮甜😽
本日精選壽司－池魚、右口魚邊
池魚壽司配薑蔥蓉帶少許香口感覺😛右口魚邊面頭燒得剛好，入口食到油脂感之餘仲保留刺身本身有一定厚度嘅彈牙口感。
香草牛油帆立貝
北海道帶子配自家製三文魚子🐟廚師叮囑要飲埋下面嘅湯，驚喜地係濃郁鮮甜嘅龍蝦湯味🦞🤩🤩三文魚子嘅鹹香正好點綴非常鮮甜煎至半生熟嘅帶子。
野生大虎蝦
蝦肉好彈牙鮮味😙蝦頭一定要啜得乾淨，食到唔少甘香蝦膏🥰
香煎鵝肝伴藍莓醬
鵝肝都煎得好靚，有焦香，油香豐腴。
米國頂級牛肉
薄燒同厚燒兩款都有試，厚燒就有咬口啲，薄燒包住洋蔥沙律同蒜片食，肉味同洋蔥嘅清爽一唱一和😗😗有豐富油香但剛好被洋蔥清新感覺平衡返。
鐵板炒飯配海帶麵豉湯、炒雜菜
鐵板燒無論食得幾飽，都忍唔住食晒成碗炒得香口乾爽嘅炒飯🤪櫻花蝦令到炒飯帶少許鹹香而不過火。
人均消費：$400
推介指數（10分為滿分）：8.5分
張貼
