影片
更多
2021-05-12
1590 瀏覽
呢間餐廳我好多年前第一次黎赤柱既時候已經有印象，從外面睇覺得係一間好fancy 好貴既餐廳，所以一直都冇考慮試呢間餐廳😅咁岩我個外國朋友未黎過赤柱，所以就帶左佢黎呢間主打德國菜既餐廳，睇下佢搵唔搵得番歐洲既美食風味。首先比大家睇睇餐廳充滿異國風情既裝飾😍餐廳室內環境靚到每個位都想影低佢🤩🤩打電話預約時可以揀坐室內定室外，我地揀左室外，因為係香港坐2樓室外而又望到海既餐廳好似唔太多菜式1:德國豬手 （$160）Open rice 有優惠160蚊就食到 ，點可以唔試呢到既名菜！隻豬手既皮十分之脆口，啲肉既味道都剛剛好，唔會太咸！不過我覺得薯條可以再多番一兩條😋菜式2 海鮮菠菜周打湯 （$90）鬼佬朋友話呢個就唔算德國常見既菜式，但平時唔食菠菜既我竟然幾鐘意飲呢個湯，個湯幾濃味，菠菜味唔算重，有一兩隻蝦仔同埋疑似魷魚😂。菜式3:紐倫堡腸仔 （$135）呢啲腸仔唔食歐洲野都好少機會食，鬼佬話呢到啲腸仔幾正宗，真係好似歐洲個啲味道咁。我就唔識分啦，只知道好味😋 ❣️食腸時，推薦落埋餐廳提供既甜mustard sauce！飲品： King Ludwig punch ($78)happy hour時o
咁岩我個外國朋友未黎過赤柱，所以就帶左佢黎呢間主打德國菜既餐廳，睇下佢搵唔搵得番歐洲既美食風味。
首先比大家睇睇餐廳充滿異國風情既裝飾😍
餐廳室內環境靚到每個位都想影低佢🤩🤩
打電話預約時可以揀坐室內定室外，我地揀左室外，因為係香港坐2樓室外而又望到海既餐廳好似唔太多
菜式1:德國豬手 （$160）
Open rice 有優惠160蚊就食到 ，點可以唔試呢到既名菜！隻豬手既皮十分之脆口，啲肉既味道都剛剛好，唔會太咸！不過我覺得薯條可以再多番一兩條😋
菜式2 海鮮菠菜周打湯 （$90）
鬼佬朋友話呢個就唔算德國常見既菜式，但平時唔食菠菜既我竟然幾鐘意飲呢個湯，個湯幾濃味，菠菜味唔算重，有一兩隻蝦仔同埋疑似魷魚😂。
菜式3:紐倫堡腸仔 （$135）
呢啲腸仔唔食歐洲野都好少機會食，鬼佬話呢到啲腸仔幾正宗，真係好似歐洲個啲味道咁。我就唔識分啦，只知道好味😋
❣️食腸時，推薦落埋餐廳提供既甜mustard sauce！
飲品： King Ludwig punch ($78)
happy hour時order mocktail 竟然買一送一！不過美中不足既就係只能order一樣既飲品🤔因為呢杯野同餐廳名一樣，第二到應該少見，所以就試下。無記錯既話，佢主要用左ginger ale, honey 同埋有啲水果。不過不失，但唔算太特別。
甜品：baked Alaska ($125)
最後叫左呢個甜品，估唔到佢會係你面前幫個蛋糕著火😂外面係cream 咁，但裡面係雪糕黎，著完水火後，呢個甜品係外熱內冷，幾特別，但味道無話特別難忘。
❣️非常建議平日夜晚黎，少人好多，係繁忙既都市生活中尋回平靜休閑既晚餐時間❣️
張貼
